18 dini icmaya şəhadətnamə verilib
15:07 05 Dekabr 2018
Dini Qurumlarla İş üzrə Dövlət Komitəsində (DQİDK) yeni qeydiyyatdan keçmiş 18 dini icmaya şəhadətnamələr təqdim edilib.
Komitədən Femida.az-a verilən xəbərə görə, bu məqsədlə təşkil edilmiş tədbirdə Dövlət Komitəsinin rəhbərliyi, şöbə müdirləri və yeni qeydiyyatdan keçmiş dini icmaların sədrləri iştirak ediblər.
Respublikamızda mövcud olan dövlət-din münasibətlərindən danışan DQİDK sədrinin birinci müavini Səyyad Salahlı vurğulayıb ki, Prezident İlham Əliyevin Ulu Öndərin zəngin siyasi irsinə söykənən ardıcıl, məqsədyönlü siyasəti nəticəsində Azərbaycan digər sahələrdə olduğu kimi dinə, tolerant və multikultural dəyərlərə münasibətdə nümunəvi dövlətə çevrilib. Diqqətə çatdırıb ki, ölkəmizdə milli-mənəvi dəyərlərimizin qorunmasına və təbliğinə yönəlmiş ardıcıl tədbirlər həyata keçirilir.
Yeni qeydiyyatdan keçmiş dini icmaların sədrlərinə müvafiq tövsiyələr verən Dövlət Komitəsi sədrinin birinci müavini onlara daha aktiv olmalarını, ümummilli maraqlardan çıxış etməyi tövsiyə edib. S.Salahlı eyni zamanda, dini icma sədrlərinin məzhəblərarası qarşıdurmaya sövq edən hərəkətlərin qarşısının alınması, milli-mənəvi dəyərlərimizin təbliği və radikalizmə qarşı ideoloji mübarizə istiqamətində fəaliyyət göstərmələrinin vacilbliyini qeyd edib. Daha sonra qeydiyyat şəhadətnamələri dini icma sədrlərinə təqdim edilib.
Şamaxı rayonu Sabir qəsəbə məscidi dini icmasının sədri Tofiq Nuriyev çıxış edərək dinə dövlət qayğısından danışıb. DQİDK-nın fəaliyyətində dini icmalarla sıx əməkdaşlığa xüsusi diqqət yetirilməsini yüksək qiymətləndirib.
Femida.az
Oxunub: 488
Oxşar xəbərlər
- 18 yaşlı tələbəni iş yoldaşı öldürübmüş
- 18 minədək şagird buraxılış imtahanı verdi
- 18 aktiv koronavirus xəstəsi ictimai yerlərdə saxlanılıb
- 18 bioloji qida əlavəsinin qanunsuz satışının qarşısı alınıb
- 18-25 yanvarda sərt karantin bölgələrinə giriş-çıxışa necə icazə veriləcək?
- 18 koronavirus xəstəsi ictimai yerlərdə saxlanıldı
- 18 rayonda şəhid ailələri və Qarabağ əlillərinə evlər verilib
- 18 məhkumda koronavirus aşkarlandı
- 18 və 19 iyunda keçirilən imtahanların nəticələri elan olunub
- 18:00-dan sonra gizlicə işləyən restoran aşkarlandı