“Siqaret qutusunun üzərindəki “G” hərfi “gömrük” mənasını vermir” - Açıqlama

“Siqaret qutusunun üzərindəki “G” hərfi “gömrük” mənasını vermir” - Açıqlama


20:11     05 Dekabr 2018 dgk%20muraciet.jpg

“Dekabrın 5-də sosial şəbəkələr vasitəsilə yayılan videoda gömrük orqanlarına qarşı əsassız ittihamlar irəli sürülüb”.

Bu barədə DGK Mətbuat və İctimaiyyətlə Əlaqələr İdarəsindən Femida.az-a daxil olan məlumatda deyilir.

Bildirilir ki, videonu lentə alan və yayımlayan şəxs siqaret qutusunun aksiz markasının “GU” hərflərindən ibarət seriyasındakı G hərfinin gömrük mənasını verdiyini iddia edir və müsadirə edilən siqaretin guya gömrük orqanları tərəfindən qeyri-qanuni yolla satışının təşkil olunduğuna eyham vurur.

“Videoda əks olunan siqaret qutusunun üzərindəki “G” hərfi “gömrük” mənasını vermir və aksiz markasının seriyasıdır. Üstəlik bu Azərbaycan əlifbasindakı hərflərdən hər hansı biri də ola bilər.

Onu da qeyd edək ki, gömrük orqanlarının müsadirə edilən siqaretlərin üzərinə aksiz markası vurmaq səlahiyyəti yoxdur və qanunvericiliyə görə gömrük orqanları müsadirə etdikləri tütün məmulatlarını yalnız məhv edir”, - deyə məlumatda vurğulanır.

Femida.az

Açar sözlər:

Oxunub: 459