Ölkədə quş qripi təhlükəsi varmı? - Monitorinqlərin nəticələri açıqlandı
18:10 08 Dekabr 2018
Azərbaycan Respublikasının Qida Təhlükəsizliyi Agentliyi tərəfindən respublika ərazisində köçəri quşların miqrasiya marşrutlarının yerləşdiyi və havaların dəyişkənliyi nəzərə alınaraq ev quşları arasında, həyətyanı və kommersiya tipli quşçuluq təsərrüfatlarında immunoloji fonun müəyyən olunması məqsədi ilə epizootoloji monitorinqlər keçirilib.
Femida.az xəbər verir ki, monitorinqlər 27-30 noyabr tarixlərində Bakı şəhəri, Abşeron, Xaçmaz, Neftçala, Salyan və Ağcabədi rayonlarında aparılıb.
Monitorinqlərdə Qida Təhlükəsizliyi Agentliyi və regional bölmələrinin, Azərbaycan Qida Təhlükəsizliyi İnstitutunun Milli İstinad Laboratoriyasının, Bərdə, Salyan, Sabirabad və Quba regional sınaq laboratoriyalarının, Azərbaycan Respublikasının Kənd Təsərrüfatı Nazirliyi yanında Dövlət Baytarlıq Xidməti, Ekologiya və Təbii Sərvətlər Nazirliyinin və Respublika Taun Əleyhinə Stansiyasının əməkdaşları iştirak ediblər. Toplanmış diaqnostik nümunələr Azərbaycan Qida Təhlükəsizliyi İnstitutunun Milli İstinad Laboratoriyasına təqdim edilib. Müayinələr nəticəsində monitorinq aparılan ərazilərdə quş qripi xəstəliyinə rast gəlinmədiyi məlum olub.
Oxunub: 518
Oxşar xəbərlər
- Ölkədə yağış və qar yağıb
- Ölkədə peyvəndləmə prosesi davam etdiriləcək
- Ölkədə peyvənd olunanların SAYI AÇIQLANDI
- Ölkədə ən gəlirli işlərdə maaşlar belədir - Statistika
- Ölkədə bugünkü yoluxma sayı açıqlandı
- Ölkədə əhalinin sayı açıqlanıb
- Ölkədə koronavirusa yoluxma fevral ayından artır-TƏBİB
- Ölkədə nikah və boşanmaların sayı açıqlanıb
- Ölkədə qrip əleyhinə vaksinasiya başlayır
- Ölkədə aparılan testlərin sayı 942 mini keçdi