Sürücülərə qarşı cəzalar sərtləşdirilir
00:20 16 Oktyabr 2015
Nəqliyyat vasitələrinin idarəetmə hüququ olmayan şəxslər tərəfindən idarə edilməsi qaydalarının pozulmasına görə cəzalar sərtləşdirilir.
Milli Məclisdən Femida.az verilən məlumata görə, bu məsələ parlamentin oktyabrın 20-də keçiriləcək iclasının gündəliyinə daxil edilən İnzibati Xətalar Məcəlləsinin 152-ci maddəsinə təklif edilən əlavələrdə öz əksini tapıb.
Əlavələrə görə, ümumi istifadədə olan nəqliyyat vasitələrini idarə etmək hüququ olmadan belə nəqliyyat vasitəsinin sərnişin daşımaqla idarə edilməsinə görə 15 gündən bir ayadək müddətə inzibati həbs tətbiq olunacaq. Digər əlavəyə əsasən, nəzərdə tutulmuş xətanın il ərzində inzibati tənbeh almış şəxs tərəfindən təkrar törədilməsinə görə bir aydan iki ayadək müddətə inzibati həbs tətbiq olunacaq.
Bundan əlavə, nəzərdə tutulmuş xəta nəticəsində zərər çəkən şəxsin sağlamlığına yüngül bədən xəsarətinin yetirilməsinə və ya zərər çəkən şəxsə maddi zərər vurulmasına görə iki aydan üç ayadək müddətə inzibati həbs tətbiq olunacaq.
Oxunub: 1237
Oxşar xəbərlər
- Sürücülərə xəbərdarlıq
- Sürücülərə sabahkı günlə bağlı ciddi xəbərdarlıq
- Sürücülərə ara məsafəsi ilə bağlı yeni təklif - VİDEOÇARX
- Sürücülərə ciddi nəzarət olunacaq - RƏSMİ
- Sürücülərə şad xəbər - Masazır yolunda tıxaca son
- Sürücülərə şad xəbər - Bu yol istifadəyə verildi
- Sürücülərə qarşı tələblər sərtləşdi - Əsasnaməyə dəyişiklik
- Sürücülərə qarşı görünməmiş cərimələr - 3 aya 15 milyon
- Sürücülərə şad xəbər
- Sürücülərə növbəti XƏBƏRDARLIQ