Bakıda yeni yol layihəsi - İşlər nə yerdədir? (FOTO)
15:26 11 Dekabr 2018
Bakı Dairəvi yolu ilə Abbas Mirzə Şərifzadə küçəsini birləşdirəcək yeni çəkilən yolda işlər yekunlaşmaq üzrədir.
Femida.az xəbər verir ki, bu barədə Trend-ə Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsinin rəisi Anar Nəcəfli deyib.
Şöbə rəisinin sözlərinə görə, yolun tikintisi ilə bağlı 100-ə yaxın ev və qeyri-yaşayış obyekti sökülüb:
“Hazırda yolun 160 metrlik hissəsində istinad divarları tikilir. Ümumilikdə yolun uzunluğu 1,3 kilometr, eni isə 18,5 metrdir. Yol tikintisi ilə əlaqədar 91 maneə aradan qaldırılıb. Bunlar yaşayış, qeyri-yaşayış və torpaq sahələridir. Həmin əmlakların sökülməsi müqabilində sakinlərə kompensasiya ödənilib”.
A.Nəcəflinin sözlərinə görə, layihə çərçivəsində ərazidə olan kommunikasiya xətləri də yenilənib:
“Həmin ərazidə kommunikasiya xətlərində problemlər var idi. Layihə çərçivəsində bütün kanalizasiya, su, rabitə və qaz xətləri yenilənib. Elektrik xətləri isə tam olaraq dəyişdirilib, ərazidə 4 ədəd transformator tikilib”.
Qeyd edək ki, Yasamal bazarı da yeni salınacaq avtomobil yolu ilə əlaqədar sökülüb.
Femida.az
Oxunub: 1260
Oxşar xəbərlər
- AAYDA: Azərbaycanın bəzi yolları buz bağlayıb
- AAYDA: Göyçayda avtomobil körpüsü uçmayıb
- AAYDA: “Şuşaya II avtomobil yolunun inşası gələn il başa çatdırılacaq”
- AAYDA vətəndaşlara müraciət edib
- Bərdə - Ağdam avtomobil yolunun tikintisi başladı
- Suqovuşan və Talış kəndlərinə gedən yolların asfaltlanmasına başlanılıb
- Prezident AAYDA-ya 12,5 milyon manat ayırdı
- Dövlət Agentliyi: "Heç bir vətəndaşa zor tətbiq edilə bilməz"
- Bu Agentliyə 21,8 milyon manat ayrıldı
- İlham Əliyev yeni 85 km-lik yolun layihəsi ilə tanış oldu - Foto