Səbaildə əl qumbaraları tapılıb
20:44 11 Dekabr 2018
Paytaxtın Səbail rayonunda 2 ədəd əl qumbarası (F-1 və DM-41) aşkar olunub.
Ərazilərin Minalardan Təmizlənməsi üzrə Milli Agentlikdən (ANAMA) Femida.az-a verilən məlumata görə, bu gün saat 12:43-də Fövqəladə Hallar Nazirliyinin Böhran Vəziyyətlərində İdarəetmə mərkəzindən Agentliyə Bakı şəhəri, Səbail rayonu, 2-ci bağlar döngəsində partlamamış hərbi sursatın tapılması barədə məlumat daxil olub.
Məlumata əsasən Agentliyin xüsusi mobil çevik əməliyyat qrupu, Daxili İşlər Nazirliyinin Bakı şəhəri, Səbail rayon Polis idarəsinin və Fövqəladə Hallar Nazirliyinin Xüsusi Riskli Xilasetmə Xidmətinin əməkdaşları dərhal həmin əraziyə göndərilib.
Agentliyin mütəxəssisləri, Daxili İşlər Nazirliyinin Bakı şəhəri, Səbail rayon Polis idarəsinin və Fövqəladə Hallar Nazirliyinin Xüsusi Riskli Xilasetmə Xidmətinin əməkdaşları tərəfindən birlikdə yuxarıda adı qeyd olunmuş əraziyə baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən 2 ədəd əl qumbarası (F-1 və DM-41) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.
Əl qumbaralarının ətrafında 100 kv.m əraziyə yerüstü və 100 kv.m əraziyə yeraltı baxış keçirilib, əlavə təhlükəli əşya və qurğu aşkarlanmayıb.
Femida.az
Oxunub: 431
Oxşar xəbərlər
- Səbaildə gənci avtomobil vurub
- Atası həbsdə olan rəis Səbaildəki vəzifəsindən azad edildi
- Səbaildə qanunsuz fəaliyyət göstərən uşaq bağçası aşkarlanıb
- Səbaildə narkotacir ələ keçdi
- Səbaildə gizli fəaliyyət göstərən kafe aşkarlandı
- Səbaildə xüsusi karantin rejiminin tələblərini pozan kafe aşkarlanıb - FOTO
- Səbaildə silsilə soyğunçuluq edən şəxs saxlanıldı
- Səbaildə dənizə düşən şəxsin meyiti çıxarıldı
- Səbaildə mənzildən kişi meyiti aşkarlanıb
- Səbaildə qəza - Tıxac yarandı