Məktəbin zirzəmisindən hərbi sursat tapılıb
21:45 11 Dekabr 2018
Dekabrın 11-də saat 16:32-də Fövqəladə Hallar Nazirliyinin Böhran Vəziyyətlərində İdarəetmə Mərkəzindən və saat 16:46-da Daxili İşlər Nazirliyinin “102” Xidməti-Zəng mərkəzi sistemindən Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Gəncə şəhərinin Kəpəz rayonu ərazisində partlamamış hərbi sursatın tapılması barədə məlumatlar daxil olub.
ANAMA-dan Femida.az-a bildirilib ki, məlumatlara əsasən agentliyin xüsusi mobil çevik əməliyyat qrupu və Gəncə Şəhər Baş Polis İdarəsinin Kəpəz Rayon Polis Şöbəsinin əməkdaşları dərhal həmin əraziyə göndərilib.
Agentliyin mütəxəssisləri və Kəpəz Rayon Polis Şöbəsinin əməkdaşları tərəfindən qeyd olunmuş ərazidə təmirə dayandırılmış 7 saylı tam orta məktəbin zirzəmisinə baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində agentliyin mütəxəssisləri tərəfindən 161 ədəd 7.62 millimetrlik patron aşkar olunub, zərərsizləşdirilməsi üçün götürülərək agentliyin mərkəzi məhvetmə ərazisinə daşınıb.
Patronların ətrafında 100 kvadratmetr əraziyə yerüstü baxış keçirilib, əlavə təhlükəli əşya və qurğu aşkarlanmayıb.
Femida.az
Oxunub: 382
Oxşar xəbərlər
- Xırdalanda məktəbin uçan damının təmirinə başlanılıb
- Naxçıvanda məktəbin uçması nəticəsində ölən şəxslərin sayı 4-a çatıb - RƏSMİ
- MN: Ali Hərbi Məktəbin kursantının tapılması məqsədilə axtarış tədbirləri həyata keçirilir
- Bakıda internat məktəbindən oğurluq edilib
- İnternat məktəbinin direktoruna cinayət işi açıldı
- 17 yaşlı gənc məktəbin həyətində intihar etdi
- Döyüş sənəti məktəbində yanğın, 18 nəfər həlak olub
- Bakıda 40-a yaxın məktəbin direktoru vəzifəsi boşdur
- Bakıda iki məktəbin bir abituriyenti belə universitetə qəbul olmayıb
- Cəbrayıl Peşə Məktəbində qanunsuzluqlar aşkarlandı
