"Aİ Dağlıq Qarabağ və ətraf rayonların Azərbaycana aid olduğunu təsdiqləyib"


14:39     14 Dekabr 2018 18_12_14_1544784034.jpg


"Avropa İttifaqı (Aİ) Dağlıq Qarabağ münaqişəsinin həlli məsələsində əvvəllər ATƏT-in Minsk qrupunun mövqeyində dururdu".

Femida.az Report-a istinadən xəbər verir ki, bunu QDİƏT Xarici İşlər Nazirləri Şurasının Bakıda keçirilən iclasının yekunlarına həsr olunan mətbuat konfransında Azərbaycanın xarici işlər nazirinin müavini Mahmud Məmmədquliyev Avropa İttifaqının xarici siyasət və təhlükəsizlik sahəsindəki ümumi siyasətinə dair ötən gün Avropa Parlamentinin qəbul etdiyi qətnamə ilə bağlı suala cavab verərkən bildirib.

“Bu qətnaməni qəbul etməklə Avropa İttifaqı Dağlıq Qarabağla ətraf yeddi rayonun Azərbaycan torpağı olduğunu bir daha təsdiqləyib. Belə ki, qətnamədə Aİ-nin Şərq Tərəfdaşlığı bölgəsindəki münaqişələrə yanaşmasının bununla eyni olduğu bildirilir. Əvvəllər isə Aİ Dağlıq Qarabağ münaqişəsinin yalnız ATƏT-in Minsk qrupu çərçivəsində həlli siyasətini dəstəkləyirdi”, – nazir müavini vurğulayıb.

Femida.az

Açar sözlər: Qarabağ   siyasət   XİN  

Oxunub: 437