Mübariz İbrahimovu "qatil" adlandıran qız məhkəməyə verildi - VİDEO
11:29 17 Dekabr 2018
Günlərdir, özünü psixoloq kimi təqdim edən Nərmin Şahmarzadənin Milli Qəhrəman Mübariz İbrahimov haqqında səsləndirdiyi fikirlər gündəmi zəbt edib. O, paylaşdığı videoda Mübariz İbrahimovu "qatil" və "cinayətkar" adlandırmaqdan belə çəkinməyib.
Qeyd olunan məsələ cəmiyyətdə ciddi etirazlarla qarşılanıb. Bir sıra tanınmış şəxslər, şəhid ailələri, sadə insanlar gənc xanıma etirazlarını müxtəlif formada bildirib. Nərmin Şahmarzadə özü isə şəxsi facebook hesabında paylaşdığı videoda söylədiyi fikirlərə görə peşman olmadığını və sözünün üstündə dayandığını bildirib.
Mövzu ilə bağlı aprel döyüşləri zamanı qəhrəmanlıq göstərib şəhid olan manqa komandiri Əbdülməcid Axundovun anası Ceyran Axundova etirazını bildirib. O, psixoloqun məhkəməyə verməyin lazımlığını bildirib.
"Onu məhkəməyə vermək lazımdı. Nəyi gözləyirik? Kiminsə ... çorəyimizi yeyərək suyumuzu içərək bizim qəhrəmanlıq simvolumuzu qatil adlandırır? Düşmənimizə ürəyi yanır? Getsin o erməni otursun ermənistanda ürəkyananlıq eləsin.", deyə Şəhid anasını etirazını bildirib.
Femida.az xəbər verir ki, Azərbaycanın Milli Qəhrəmanı Mübariz İbrahimovu təhqir edən psixoloq Nərmin Şahmarzadə məhkəməyə verilib.
Fövqaladə Hallar Nazirliyinin mayoru, 9 qat dünya,3 qat avropa çempionu,Muay-tay və Tayboksinq Federasiyalarının vitse-prezidenti, əməkdar və beynəlxalq dərəcəli idman ustası Araz Musayev Xətai Rayon Məhkəməsinə ərizə ilə müraciət edib.
Məsələ ilə bağlı Milli Qəhrəmanın atası Ağakərim İbrahimov da münasibət bildirib.O, qeyd edib ki, belə bir məsələyə baş qoşmaq əvəzinə, övladlara sevgi, məhəbbət öyrədilməsinin tərəfdarıdır. Həmin kadrları təqdim edirik:
Miri Məcidli
Femida.az
Oxunub: 45219
Oxşar xəbərlər
- Biləsuvarda Milli Qəhrəman Mübariz İbrahimovun xatirəsi anılıb
- Mübariz İbrahimovun şəhid olmasından 11 il ötür
- Milli Qəhrəman Mübariz İbrahimovun xarirəsi yad edilib - FOTO
- Mübariz İbrahimovun doğum günüdür
- Ərdoğan: "Bu gün Mübariz İbrahimovun ruhunun şad olduğu gündür"
- Mübariz İbrahimovun anadan olduğu kəndə avtoyürüş keçirilib
- Mübariz İbrahimovun şəhid olduğu posta Azərbaycan Bayrağı sancılıb - VİDEO
- Milli Qəhrəman Mübariz İbrahimovun doğum günüdür
- Mübariz İbrahimovu təhqir etməkdə ittiham olunan psixoloqa 3 il həbs cəzası istənilib
- Heydər Əliyev Fondu Mübariz İbrahimovun atasının müalicəsini üzərinə götürdü