Dövlət sirrini yayan icra başçısını hansı cəza gözləyir? – VİDEO
13:40 19 Dekabr 2018
Sosial şəbəkələrdə Tərtər Rayon İcra Hakimiyyətinin başçısı Müstəqim Məmmədovun rusiyalı jurnalistlə müsahibəsi birmənalı qarşılanmayıb.
Femida.az xəbər verir ki, 10 dəqiqəlik müsahibə boyu Müstəqim Məmmədov düşmənlə üz-üzə dayanan Tərtər rayonunun bir çox dövlət sirr sayılan məlumatları rusiyalı jurnalistlə bölüşüb. İcra başçısının rus dilində səlis danışa bilməməsi də diqqətdən yayınmayıb.
Qeyd edək ki, yerli media orqanlarının cəbhəyanı rayonlardan reportaj hazırlamaq istəyi yerli icra hakimiyyəti orqanları tərəfindən rədd edildiyi halda rusiyalı telejurnalistə bu şərait yaradılıb. Halbuki cəbhə bölgəsində çəkiliş aparmaq və digər məsələlər Azərbaycan xüsusi xidmət orqanlarının, xüsusilə, hərbi kəşfiyyat qurumunun nəzarəti altında həyata keçirilməlidir.
Xatırladaq ki, Prezident İlham Əliyev 2014-cü il sentyabrın 24-də "Azərbaycan Respublikası Silahlı Qüvvələrinin Ermənistan Respublikası Silahlı Qüvvələri ilə təmas xəttində bəzi təhlükəsizlik tədbirləri haqqında" sərəncam imzalayıb.
Sərəncamda yer alan bir sıra məsələlərlə yanaşı, Müdafiə Nazirliyinə tapşırılıb ki, cəbhəboyu zonadakı vəziyyət barədə məlumatların əhaliyə çatdırılması ilə bağlı nazirliyin mətbuat xidmətinin fəaliyyətinin çevikliyini artırmaq üçün tədbirlər görsün, KİV-lərdə və internet informasiya ehtiyatlarında, o cümlədən sosial şəbəkələrdə cəbhəboyu zonadakı vəziyyətlə bağlı verilən məlumatların mütəmadi monitorinqini təmin etsin və "Dövlət sirri haqqında" Qanuna görə dövlət sirri təşkil edən məlumatları yayan şəxsləri müəyyənləşdirib onların qanunla müəyyən edilmiş məsuliyyətə cəlb olunmasını təşkil etsin.
Femida.az
Oxunub: 4932
Oxşar xəbərlər
- Dövlət Komitəsi Sumqayıtda əri tərəfindən zorakılıqla üzləşən qadınla bağlı məlumat yayıb
- Dövlət Məşğulluq Agentliyi auitor seçib
- Dövlət Agentliyinin vəzifəli şəxsi saxlanılıb
- Dövlət qurumları adından saxta iş elanları verən şəxs saxlanılıb
- Dövlət Məşğulluq Agentliyi 66 milyon manatlıq ev heyvanları alacaq
- Dövlət Xidmətinə müraciət edən istehlakçılara 118 min manat geri qaytarılıb
- Dövlət Agentliyi saxta iş elanları ilə bağlı vətəndaşlara xəbərdarlıq edib
- Dövlət evsiz vətəndaşlara ev verir? – Ekspert çaşqınlığa aydınlıq gətirdi
- Dövlət Agentliyi kombilərdən istifadənin məhdudlaşdırılmasına çağırıb
- Dövlət Dram Teatrına məxsus avtomobildən oğurluq edilib