Ölüm işinə görə tutulan polis əməkdaşının həbs müddəti uzadıldı
16:45 20 Dekabr 2018
Nəsimi Rayon Məhkəməsində Qazax rayonunda ölüm işinə görə həbs olunan polis əməkdaşı İlham Süleymanov barəsində seçilmiş həbs müddətinin uzadılması ilə bağlı istintaq orqanının verdiyi təqdimata baxılıb.
Femida.az report-a istinadən xəbər verir ki, hakim Şəlalə Həsənovanın sədrliyi ilə keçirilən prosesdə qərar elan olunub.
Qərara əsasən, təqdimat təmin edilib, İ.Süleymanovun həbs müddəti 2 ay artırılıb.
Qeyd edək ki, Baş Prokurorluğun yaydığı məlumata əsasən, Qazax Rayon Polis Şöbəsinin növbətçi hissəsinin məsul növbətçisi İ.Süleymanov Elmir Axundovun Qazax Rayon Polis Şöbəsində vəfat etməsi ilə bağlı həbs olunub.
Xatırladaq ki, bir qədər əvvəl İ.Süleymanov Nəsimi Rayon Məhkəməsinin qərarı ilə azadlığa buraxılıb. Hökmdən narazı qalan istintaq orqanı apellyasiya protesti verib. Bakı Apellyasiya Məhkəməsi apellyasiya protestini təmin edib. Belə ki, birinci instansiya məhkəməsinin çıxardığı qərar ləğv olunub və İ.Süleymanov yenidən həbs olunub.
Femida.az
Oxunub: 482
Oxşar xəbərlər
- Ölümlə hədələnən qadın üç günlük körpəsi ilə birlikdə sığınacağa yerləşdirilib
- Ölümə səbəb olan iş adamı azadlığa buraxıldı
- Ölümlə nəticələnən daha bir yol qəzası
- Ölümlə nəticələnən avtobus qəzasının təfərrüatı məlum olub
- Ölüm xəbəri yayılan Türkmənistan Prezidenti tibb işçilərini təbrik edib
- Ölümdən sonra 3 gün içində hüceyrələr insanı yox etməyə başlayır - ŞOK FAKTLAR
- Ölümə səbəb olan avtobus sürücüsünün məhkəməsi başladı
- Ölüm ayağında işlədilən sözlər: İnsanlar ölərkən nə danışırlar?
- Ölümlə nəticələnən qəzanın TƏFƏRRÜATLARI
- Ölümlə nəticələnən quduzluğun əlamətləri - İlk nə etməli?