Leyla Şıxlinskayanın müdafiəsinə yeni vəkil qoşuldu


13:16     21 Dekabr 2018 2018/03/leyla-sixlinskaya_1521038545.jpeg

Bu gün Bakı Ağır Cinayətlər Məhkəməsində xalq artisti Leyla Şıxlinskayanın rəhbərlik etdiyi "Leyla Şıxlinskaya" klinikasının külli miqdarda pulunu mənimsəmədə təqsirləndirilən klinikanın sabiq işçiləri - baş mühasib Şəhla Abbasova, Səkinə Qasımova, Aytən Hüseynova, Mədinə Hüseyeva, Yelena Abdullayeva və digərinin cinayət işi üzrə məhkəmə iclası davam etdirilib.


Femida.az-ın report-a istinadən verdiyi xəbərə görə, hakim Əfqan Hacıyevin sədrliyi ilə keçirilən prosesdə zərərçəkmiş L.Şıxlinskayanın müdafiəsinə yeni vəkil qoşulduğu elan olunub.

Vəkil cinayət işi ilə tanış olmaq üçün məhkəmədən vaxt istəyib.

Məhkəmənin növbəti iclası 2019-cu ilin yanvar ayının 11-nə təyin edilib.

İttiham aktına əsasən, həmin şəxslər Cinayət Məcəlləsinin 313-cü (vəzifə saxtakarlığı) və 179.3.2-ci (mənimsəmə, külli miqdarda) maddələri ilə ittiham olunurlar. Ekpertiza rəyinə əsasən, zərərçəkmişə 56 min manat ziyan dəyib.

Femida.az

Açar sözlər: #Cinayət   #Məhkəmə   #Leyla_Şıxlinskaya  

Oxunub: 545