Rövşən Rzayev məcburi köçkünlərlə görüşdü - Sumqayıtda
18:52 21 Dekabr 2018
Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev dekabrın 21-də Sumqayıt şəhərində vətəndaşları qəbul edib.
Qəbulda Sumqayıt, Abşeronda müvəqqəti məskunlaşmış və Qubadlı rayonundan olan məcburi köçkünlər iştirak edib.
Qəbulda iştirak edən məcburi köçkünlər, əsasən, mənzil, məşğulluq, kommunal xidmətlər, vahid aylıq müavinət və digər məsələlərlə bağlı müraciət edib.
Məlumat verilib ki, məcburi köçkünlərin mənzil-məişət şəraitinin və digər sosial problemlərinin həlli Prezident İlham Əliyevin daim diqqətindədir. Bu il Sumqayıt şəhərində yataqxana binalarında məskunlaşmış 2900 məcburi köçkün ailəsi üçün Abşeron rayonu ərazisində ayrılmış torpaq sahəsində birinci mərhələdə 1000 ailəlik qəsəbə salınır və tezliklə istifadəyə veriləcəkdir. Birinci vitse-prezident təyin edildikdən sonra keçirdiyi ilk müşavirəni Bakı və Sumqayıt şəhərlərinin yataqxanalarında müvəqqəti məskunlaşmış qaçqın və məcburi köçkün ailələrinin köçürülməsinə həsr edən Mehriban xanım Əliyevanın yeni mənzillərə ilk növbədə ağır və qəzalı şəraitdə yaşayan məcburi köçkünlərin köçürülməsi ilə bağlı tapşırığı uğurla icra olunur.
Qəbulda olan bütün vətəndaşların müraciətləri qeydə alınıb. Müraciətlərin bir qismi yerindəcə öz həllini tapıb. Dövlət Komitəsinin sədri digər müraciətlərin qısa müddətdə araşdırılması və müvafiq tədbirlər görülməsi üçün tapşırıqlar verib.
Femida.az
Oxunub: 370
Oxşar xəbərlər
- Rövşən Rzayev “Şöhrət” ordeni ilə təltif edilib
- Rövşən Əkbərov apellyasiya şikayəti verib
- Rövşən Əkbərov məhkəmədə son söz deyib
- Rövşən Əkbərovun vəkili: "Nazim İbrahimov barəsində cinayət işi başlanılmalıdır"
- Rövşən Əkbərovun məhkəməsi təxirə salınıb
- Rövşən Əkbərovun məhkəməsi təxirə salınıb
- Rövşən Əkbərovun məhkəməsinin vaxtı məlum olub
- Rövşən Əkbərovun cinayət işi məhkəməyə göndərilib
- Rövşən Əkbərovun həbsinin səbəbi - Ukraynada QƏTL
- Rövşən Əkbərovun həbsi rəsmən təsdiqləndi