Müəllim və valideynlərin müraciətləri dinlənilib

19:13     21 Dekabr 2018

Bakı Şəhəri üzrə Təhsil İdarəsinin (BŞTİ) rəhbərliyi və struktur bölmə əməkdaşlarının iştirak etdiyi səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparmaq məqsədlərinə xidmət edir.

BŞTİ-dən Femida.az -a bildirilib ki, Bakıdakı Məktəb-Lisey Kompleksində Nizami və Nərimanov rayonları üzrə keçirilmiş qəbula gələn vətəndaşlar məktəblərin maddi-texniki təminatı, məktəblərin qarşısında piyada zolağının çəkilməsi, fənn kabinetləri və digər müvafiq məsələlərlə bağlı müraciət ediblər.

Vətəndaşlar tərəfindən qaldırılmış bütün məsələlər qeydiyyata alınıb. Bir sıra müraciətlər yerindəcə həllini tapıb, digər məsələlərin həlli ilə bağlı müvafiq tədbirlərin icrasına başlanılıb.

Femida.az

Açar sözlər:

Oxunub: 350