Rusiya İstintaq Komitəsinin sədri “ASAN”da

17:36     17 Oktyabr 2015

Rusiya Istintaq Komitəsinin sədri Aleksandr Bastrıkin Azərbaycana səfəri zamanı 3 nömrəli “ASAN Xidmət” Mərkəzinə baş çəkib.

Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İman Kərimov və “ASAN Xidmət”in beynəlxalq əlaqələr üzrə komitəsinin sədri Azad Cəfərli qonağa “ASAN Xidmət” məqsədi, mərkəzin yaranma tarixi, onun fəaliyyəti, texniki təchizatı, funksional xidmətlər, “ASAN könüllülər”in işi haqqında məlumatlandırıb.

Bastrıkin mərkəzin fəaliyyətini yüksək qiymətləndirib, onların fəaliyyətlərində uğurlar arzulayıb. Qonağa, həmçinin hədiyyələr təqdim olunub.

"ASAN xidmət" (ASAN) - Azərbaycan Xidmət və Qiymətləndirmə Şəbəkəsi Azərbaycan Respublikasının Prezidentinin təşəbbüsü ilə 13 iyul 2012-ci il tarixli, 685 nömrəli Fərmanla Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin himayəsi altında yaradılıb.

Açar sözlər:

Oxunub: 1114