Fitnes zallarında yoxlama aparılacaq: Uşaqlara hormonal dərmanlar satılır

13:04     25 Dekabr 2018

"2019-cu ildə qanunsuz dövriyyə ilə əlaqədar böyük işlər aparmağa çalışırıq. Bunun üçün hüquq-mühafizə orqanları ilə əməkdaşlığa başlayırıq, bir neçə əməliyyat planlaşdırırıq".

Femida.az Azvision.az-a istinadən xəbər verir ki, bunu Milli Antidopinq Agentliyinin rəhbəri Şəfəq Hüseynli 2018-ci il üzrə illik hesabatının təqdimatında deyib. O bildirib ki, dopinqin istifadəsi sosial problemə çevrilib.

"Bir çox fitnes mərkəzlərində bu vasitələrdən istifadə olunur. Güclü təsiredici vasitələri, xərçəngdə, hormonal problemlərdə istifadə olunan dərmanları 15-16 yaşlı uşaqlara satırlar. Bu işin üstünə ciddi düşməyi planlaşdırırıq. Fitnes strukturlarının dərmanları cavanlara, azyaşlı uşaqlara satması tamamilə qanuna ziddir".

Ş.Hüseynli qeyd edib ki, dopinqə düşən dərmanların bazası hazırlanır, bununla idmançılar həmin bazada dərmanları tapa biləcəklər.

Femida.az

Açar sözlər:

Oxunub: 506