Ordumuz yeni tank toplarını sınaqdan keçirdi
16:43 28 Dekabr 2018
Müdafiə Sənayesi Nazirliyinin müəssisələrində yaradılan 125 millimetrlik tank topları üçün nəzərdə tutulmuş döyüş sursatının poliqon sınaqları keçirilib.
Bu barədə Femida.az-a Nazirlikdən məlumat verilib.
Müdafiə Sənayesi Nazirliyinin mütəxəssislərinin və Müdafiə Nazirliyinin döyüş texnikası və şəxsi heyətinin iştirakı ilə aparılan sınaqlarda 125 millimetrlik tank topları üçün nəzərdə tutulmuş döyüş sursatının ballistik xüsusiyyətlərinin yoxlanılması məqsədilə Silahlı Qüvvələrin istismarında olan müasir T-90C tipli tankdan atışlar keçirilib və müsbət nəticə əldə edilib.
Yüksək dağdıcı qüvvəyə malik 125 millimetrlik artırılmış qüvvəli qəlpəli-fuqaslı mərmili atəş yığımı Silahlı Qüvvələrin arsenalında olan T-72, T-90C tipli tanklarda quraşdırılan 125 millimetrlik tank topundan atəş aparmaq üçün istifadə olunur. Atəş yığımı düşmənin canlı qüvvəsinə, səhra tipli istehkam qurğularına, artilleriya, minaatan, raket qurğularının atəş mövqelərinə və müxtəlif növ atəş vasitələrinə zərər vurmaq üçün nəzərdə tutulub.
Atəş yığımının praktiki mərmili variantı ilə keçirilən sınaqların nəticələrinə görə döyüş sursatının yüksək ballistik xüsusiyyətlərə malik olması, etibarlılığı və xidməti davranma zamanı təhlükəsizliyi tam təsdiq edilib.
Femida.az
Oxunub: 630
Oxşar xəbərlər
- Ukrayna Baş Qərargahı: "Son sutkada Rusiyanın 44 tankı məhv edilib"
- Döyüş komandiri: Son 1 ayda Lisiçansk istiqamətində Rusiyanın 60 tankı məhv edilib
- KİV: İspaniya Ukraynaya tanklar və zenit raketləri göndərməyə hazırdır
- Britaniya kəşfiyyatı: "Rusiyanın 1 ədəd T-90M tankı məhv edilib"
- Ukrayna Baş Qərargahı: "Məhv edilən Rusiya tanklarının sayı 1 000-ə yaxınlaşır"
- Ukrayna Baş Qərargahı: "Təkcə Donbas istiqamətində Rusiyanın 13 tankı məhv edilib"
- Ukrayna Baş Qərargahı: "Ötən gün Rusiyanın 10 tankını, 3 helikopterini məhv etmişik"
- Ukrayna Baş Qərargahı: "İndiyədək Rusiyanın 739 tankı məhv edilib"
- Qərb Kiyevə minlərlə tank əleyhinə silah və “Stinger” verib
- MN: "Son sutkada 10 tank, 18 zirehli texnika, 13 avtomobil, 15 artilleriya qurğusu məhv edilib"