Bir ildə 35 antidopinq qayda pozuntusu aşkar edilib


19:02     02 Yanvar 2019 2019/01/B0E2E100-299F-4D17-A6A9-16391950BFD5_1546442351.jpeg

2018-ci ildə AMADA tərəfindən 35 antidopinq qayda pozuntusu qeydə alınıb.

Femida.az xəbər verir ki, bu barədə Azərbaycan Milli Antidopinq Agentliyinin (AMADA) 2018-ci ilə dair illik hesabatında bildirilib.

Qeyd olunub ki, bu pozuntuları idmanın ağır atletika (2), güləş (12), boks (5), cüdo (3), velosiped idmanı (2), voleybol (2), taekvondo (7) və atletika (1) növləri üzrə qeyri-əlverişli analiz nəticəsində aşkarlanıb. Əlavə olaraq, ağır atletikada 1 atipik nəticə aşkar edilib.

Hesabatda vurğulanıb ki, il ərzində 1 dəfə dopinq nəzarətindən imtina, 8 dəfə isə məkan məlumatı pozuntusu halları baş verib. Qeyri-əlverişli analiz nəticələrinin bir çoxu anabolik steroid təşkil edib və idmançıların 25 faizi azyaşlı olub. Ümumilikdə 2018-ci ildə 35 antidopinq qayda pozuntusu baş verib və 35 yekun qərar açıqlanıb.

Femida.az

Açar sözlər:

Oxunub: 489