İran və “altılıq” dövlətləri görüşəcək
23:15 18 Oktyabr 2015
Oktyabrın 19-da Vyanada İranın və “altılıq” (ABŞ, Almaniya, Fransa, Russiya, Çin, Böyük Britaniya) ölkələrinin nümayəndələri arasında nüvə danışıqları ilə bağlı görüş keçiriləcək.
İranın vitse-prezidenti və Atom Energisi Təşkilatının sədri Əli Əkbər Salehinin açıqlamasına görə, tərəflər cari il iyulun 14-də əldə etdikləri razılaşma üzrə həyata keçiriləcək işlərin icra mexanizmini müzakirə edəcəklər. Görüşdə İran nüvə proqramını məhdudlaşdırmaq planını təqdim edəcək. Eyni zamanda, ABŞ və danışıqlarda iştirak edən digər beş dövlət İrana qarşı tətbiq edilən beynəlxalq iqtisadi sanksiyaların aradan qaldırıldığını bəyan edəcəklər.
İranın xarici işlər naziri Məhəmməd Cavad Zərif bildirib ki, İran razılaşmaya əsasən üzərinə düşən bütün öhdəlikləri dəqiq yerinə yetirib.
Xatırladaq ki, İran ilə Qərb ölkələri arasında imzalanan və nüvə proqramının məhdudlaşdırılması müqabilində rəsmi Tehrana qarşı tətbiq edilən sanksiyaların aradan qaldırılmasını nəzərdə tutan saziş ABŞ və İran parlamentləri tərəfindən ratifikasiya edilib.
Oxunub: 942
Oxşar xəbərlər
- İranda ibtidai siniflərdə ingilis dili qadağan olundu - VİDEO
- İranda iğtişaşlar zamanı saxlanılanlar sərbəst buraxılır
- İranın sabiq prezidenti həbs edildi - İddia
- İranda zəlzələ - 20 nəfər xəsarət alıb
- İranda etirazlar yenidən baş qaldırdı
- İran kəşfiyyatı: Terrorçu qruplaşma darmadağın edilib
- İran ABŞ-dan BMT-yə şikayət etdi
- İranda onlarla azərbaycanlı həbs edildi
- İran yenə silkələndi
- İranı silkələyən hadisə: Etirazlarda 15 min nəfər iştirak edib