Azərbaycanda donuz qripi təhlükəsi... – Nazirlik açıqladı
11:32 07 Yanvar 2019
Azərbaycanda mövsüm ərzində "donuz qripi"nə yoluxma halları qeydə alınmayıb.
Səhiyyə Nazirliyindən Femida.az-a verilən məlumata görə, mövsümi qripin və digər kəskin respirator infeksiyaların səviyyəsi son illərin orta göstəricisini aşmayıb: "Lakin sərhədyanı ölkələrdə gərgin epidemioloji vəziyyətin davam etməsi ölkə üçün real təhlükə kəsb etdiyindən profilaktik, müalicəvi və əksepidemik tədbirlərin həyata keçirilməsini tələb edir.
Bununla bağlı, tibb müəssisələrinə ağır kəskin respirator xəstəlik halları barədə müraciət olduğu halda, dərhal yerli Gigiyena və Epidemiologiya Mərkəzlərinə məlumat verilir, şübhəli xəstələrdən götürülmüş nümunələr isə Respublika Taun Əleyhinə Stansiyasına çatdırılır, Respublikanın şəhər və rayonların Gigiyena və Epidemiologiya Mərkəzləri əhalinin kütləvi məskunlaşdığı yerlərdə sanitariya-gigiyena norma və qaydalarına, dezinfeksiya rejiminə ciddi riayət edilməsinə dair nəzarəti gücləndirib.
Ağır formalı qrip xəstələrinin hospitallaşdırılması üçün Elmi Tədqiqat Ağciyər Xəstəlikləri İnstitutunda mənfi təzyiqli bokslar, 1 saylı Kliniki Tibbi Mərkəz və 7 saylı Uşaq Yoluxucu Xəstəliklər Xəstəxanasında "donuz qripi" xəstəliyi ilə əlaqədar xüsusi palatalar ayrılıb, onlar hazır vəziyyətə gətirilib, dərman vasitələri, tibbi ləvazimat və inventarlarla təchiz edilib. Sərhəd keçid məntəqələrində hərarətli xəstələri aşkarlamaq üçün termoindikatorlar təchiz edilib.
Respublika Taun Əleyhinə Stansiyanın laboratoriyasına tibb müəssisələrindən kəskin respirator əlamətlərlə müşahidə edilən xəstələrdən 867 nümunə daxil olub, "donuz qripi" aşkar olunmayıb".
Femida.az
Oxunub: 627
Oxşar xəbərlər
- Azərbaycandan gedən Çin vətəndaşlarında "donuz qripi" aşkarlanıb
- Hindistanda “donuz qripi”ndən ölənlərin sayı 530 oldu
- Hindistanda “donuz qripi”ndən ölənlərin sayı 530 oldu
- Azərbaycanda 17 nəfər donuz qripinə yoluxub
- 22 nəfərin “donuz qripi”ndən ölməsi təsdiqləndi
- Gürcüstanda daha bir nəfər “donuz qripi”ndən öldü
- Bağçalarda qızılca və “donuz qripi” yayılıb? – Rəsmi cavab
- "Donuz qripi"nə görə yaradılan qaynar xətt nömrələri niyə işləmir?
- Hava yolu ilə gətirilən qidalardan donuz qripi keçə bilərmi? - AÇIQLAMA
- ÜST: Azərbaycanda 16 nəfər "donuz qripi”nə yoluxub