Gömrük Komitəsinin yeni işçilərinə təlim keçirilir
15:02 07 Yanvar 2019
Dövlət Gömrük Komitəsinin Akademiyasında (DGKA) gömrük orqanlarında xidmətə yeni qəbul olunmuş əməkdaşlar üçün növbəti xidmətə hazırlıq təlimləri keçirilir.
Komitədən Femida.az-a verilən məlumata görə, təlimlər yanvarın 31-dək davam edəcək. Təlimlərdə gömrük orqanlarına xidmətə yeni qəbul olunmuş 39 əməkdaş iştirak edir.
Təlimlər Azərbaycan Respublikası Dövlət Gömrük Komitəsi sisteminə daxil olan gömrük orqanlarının əməkdaşlarının peşə və ixtisas səviyyəsini artırmaq üçün gömrük orqanlarına xidmətə yeni qəbul edilmiş əməkdaşlara peşə biliklərinin və xidməti intizam qaydalarının tələblərinin öyrədilməsi məqsədilə təşkil olunur.
Tədris prosesinin əsas məqsədi dinləyicilərə xidməti fəaliyyətləri üçün zəruri olan bilik və peşə vərdişlərinin aşılanmasından ibarətdir. Təlimlərdə dinləyicilərə gömrük işi, o cümlədən gömrük orqanlarının hüquq mühafizə fəaliyyəti, hərbi və sıra hazırlığı istiqamətlərində müvafiq mövzular üzrə nəzəri və təcrübi biliklər verilir. Təlimlər zamanı təlim proqramı üzrə mövzulara müvafiq olaraq gömrük orqanlarının hüquqpozmalara qarşı mübarizə təcrübəsi ilə bağlı xidməti sənədlərdən və faktlara dair videomateriallardan da istifadə olunur.
Tədris prosesinə Dövlət Gömrük Komitəsinin təcrübəli və peşəkar əməkdaşları, o cümlədən Akademiyanın yüksək bilik və peşə bacarığına malik olan professor-müəllim heyəti cəlb edilib.
Femida.az
Oxunub: 529
Oxşar xəbərlər
- Gömrükçülər narkotik qaçaqmalçılığı cəhdinin qarşısını alıb
- Gömrükçülər külli miqdarda dərman vasitələri saxlayıb
- Gömrükçülər ölkə ərazisi ilə Ermənistana yük aparan İran vətəndaşını saxlayıb
- Gömrük təmsilçiləri üçün imtahan keçirilib
- Gömrükçülər 218 kiloqram heroin aşkarladılar
- Gömrükdən keçən malların və nəqliyyat vasitələrinin bəyan edilməsi qaydaları dəyişib
- Gömrükdə böyük narkotik əməliyyatı: 622 kq heroin aşkarlandı
- Gömrük sahəsinə dair birgə komitə yaradıldı
- Gömrük Akademiyası magistratura səviyyəsinə qəbul elan edir
- Gömrük Komitəsindən iddialara cavab: Avtomobillər satılmaq üçün gətirilirmiş