Attestat ala bilməyənlər imtahan verib
18:39 08 Yanvar 2019
Bakı şəhəri üzrə eksternat imtahanları başa çatıb.
Bakı Şəhəri üzrə Təhsil İdarəsinin ictimaiyyətlə əlaqələr sektorundan Femida.az -a verilən xəbərə görə, imtahanda əvvəlki illərdə ümumi təhsil məktəblərində oxuyub tam orta təhsil səviyyəsini (XI) bitirə bilməyən şəxslər iştirak edib.
Paytaxtdakı 258 nömrəli tam orta məktəbdə təşkil olunan imtahana 102 nəfər qatılıb. Eksternlər 2 gün ərzində hərəsində 10 sual olmaqla 11 fənn (Ana dili, ədəbiyyat, kimya, fizika, riyaziyyat, xarici dil, coğrafiya, informatika, Azərbaycan tarixi, ümumi tarix, biologiya) üzrə imtahan veriblər. Rus bölməsi üzrə təhsil almış şəxslər isə əlavə olaraq daha 1 fəndən də (Azərbaycan dili) sınaqdan keçiblər.
Bildirilib ki, məqbul qiymət almış şəxslərin siyahısı baku.edu.gov.az saytında yerləşdiriləcək.
Eksternat imtahanlarında uğur qazanmış şəxslər tam orta təhsil haqqında sənəd (attestat) almaq üçün Dövlət İmtahan Mərkəzi tərəfindən tam orta təhsil səviyyəsi üzrə keçirilən buraxılış imtahanlarında iştirak etmək hüququna sahib olacaqlar.
Qeyd edək ki, sərbəst (eksternat) təhsilalma formasının tətbiqi müxtəlif səbəblərdən tam orta təhsil səviyyəsini başa vura bilməyən şəxslərə həmin səviyyə üzrə buraxılış imtahanı verib müvafiq təhsil sənədi almaq üçün şərait yaratmaq məqsədi daşıyır.
Oxunub: 575
Oxşar xəbərlər
- Attestatsız şəxsin məktəb direktorunun müavini təyin edilməsilə bağlı araşdırma aparılır
- Azərbaycanda peşə təhsili alanlara attestat da veriləcək
- Məzunlara attestatlar verilir
- Attestat ala bilməyən şagirdlərin sayı açıqlandı
- Bəzi məzunlara imtahansız attestat veriləcək
- Builki məzunların attestatları yeni formada veriləcək
- Şagirdlərə attestatların verilməsi ilə bağlı AÇIQLAMA
- Şagirdlərə attestat "satan" direktor işdən çıxarıldı
- 1433 məzuna fərqlənmə attestatı verilib
- Ata oğlunun attestatını gizlədib oxumasını istəmədi - Övladı oxumaq üçün evi tərk etdi