Dövlət qulluqçusu olmaq üçün 325 nəfər ərizə verib
20:37 08 Yanvar 2019
Dövlət İmtahan Mərkəzi (DİM) tərəfindən 15 dövlət orqanında dövlət qulluğu vəzifələrinin A (26 vəzifə) və B (299 vəzifə) növünə aid olan 325 vakant vəzifənin tutulması üçün yanvarın 4-də elan olunmuş müsabiqənin müsahibə mərhələsinə ərizə qəbulu davam edir.
DİM-dən Femida.az-a bildirilib ki, yanvarın 8-nə olan məlumata görə, müsahibədə iştirak etmək üçün ümumilikdə 325 nəfər qeydiyyatdan keçib. Onlardan 323-ü dövlət qulluğu vəzifələrinin B növünə (inzibati rəhbər vəzifələr) aid olan vəzifələrin, 2-si isə A növünə aid olan vəzifələrin (inzibati icraçı vəzifələr) tutulması üçün müraciət edib. Göründüyü kimi, inzibati icraçı vəzifələrdə işləmək istəyənləri sayı daha çoxdur. Qeyd edək ki, dövlət qulluğu vəzifələrinin B növünə (inzibati rəhbər vəzifələr) aid olan vəzifələr üzrə ən çox müraciət Ekologiya və Təbii Sərvətlər Nazirliyinin vakant vəzifələri ilə bağlıdır. Nazirliyin dövlət qulluğu vəzifələrinin B növü üzrə müsahibəyə çıxardığı 66 vakant vəzifəyə 137 nəfər müraciət edib.
Xatırladaq ki, qeydiyyat fevralın 4-dək aparılacaq. Namizədlər saat 18:00-dək “Dövlət qulluğu üzrə müraciət Forması”nı (https://eservices.dim.gov.az/dqq/Home/Login) doldurmaqla qeydiyyatdan keçməlidirlər.
Femida.az
Oxunub: 410
Oxşar xəbərlər
- Dövlət Komitəsi Sumqayıtda əri tərəfindən zorakılıqla üzləşən qadınla bağlı məlumat yayıb
- Dövlət Məşğulluq Agentliyi auitor seçib
- Dövlət Agentliyinin vəzifəli şəxsi saxlanılıb
- Dövlət qurumları adından saxta iş elanları verən şəxs saxlanılıb
- Dövlət Məşğulluq Agentliyi 66 milyon manatlıq ev heyvanları alacaq
- Dövlət Xidmətinə müraciət edən istehlakçılara 118 min manat geri qaytarılıb
- Dövlət Agentliyi saxta iş elanları ilə bağlı vətəndaşlara xəbərdarlıq edib
- Dövlət evsiz vətəndaşlara ev verir? – Ekspert çaşqınlığa aydınlıq gətirdi
- Dövlət Agentliyi kombilərdən istifadənin məhdudlaşdırılmasına çağırıb
- Dövlət Dram Teatrına məxsus avtomobildən oğurluq edilib