Təcili yardım maşını azərbaycanlı fəhlələri vurdu - 1 ölü, 12 yaralı
12:41 09 Yanvar 2019
Gürcüstanın paytaxtı Tbilisinin mərkəzi Çavçavadze prospektində təcili tibbi yardım maşını ağır qəza törədib.
Femida.az report-a istinadən xəbər verir ki, səhər saatlarında avtomobil prospektdə tikinti ərazisində yerləşən və tikintidə çalışan işçilərin olduğu köşkə çırpılıb.
Nəticədə bir nəfər ölüb, 12 nəfər yaralanıb. Xəsarət alanların təcili tibbi yardım briqadasının üzvləri və Azərbaycan vətəndaşları və ya yerli azərbaycanlıların olduğu bildirilir.
Yaralılar xəstəxanaya çatdırılıblar. Onlardan birinin vəziyyəti ağır olduğundan əməliyyat olunub.
Gürcüstan Daxili İşlər Nazirliyi faktla bağlı istintaqa başlayıb.
Azərbaycanın Gürcüstandakı səfirliyindən report-a bildirilib ki, qəza nəticəsində xəsarət alanların arasında Azərbaycan vətəndaşlarının olub-olmaması barədə hələlik məlumat daxil olmayıb.
Tikinti şirkətinin təhlükəsizlik üzrə meneceri Rati Tskitişvili isə jurnalistlərə bildirib ki, qəza zamanı xəsarət alanlar Gürcüstan vətəndaşlarıdır.
Oxunub: 357
Oxşar xəbərlər
- Təcili yardım maşınına necə yol verməliyik? - Sürücülərin DİQQƏTİNƏ!
- Təcili yardım maşını çağırışa gedərkən qəzaya düşdü
- Təcili yardım maşını qəzaya düşdü,yaralılar var (18+VİDEO)
- Təcili yardım maşını qəzaya düşdü
- TƏCİLİ: Bürolara vəkil tələb olunur
- Təcili yardıma müraciətlər artıb - Bu ilin statistikası
- Təcili yardım həkimi yaralını söydü - Qohumlar həkimi "girov" götürdü
- Təcili tibbi yardım avtomobili qəzaya uğrayıb
- Təcili yardım işçisi şəhid atasını kürəyində daşıdı - FOTO