Agentlik sahibkarları cərimə etməyə başladı
13:41 10 Yanvar 2019
Azərbaycan Qida Təhlükəsizliyi Agentliyi (AQTA) qida təhlükəsizliyi qeydiyyatından keçməyən sahibkarlıq subyektlərinə qarşı inzibati tədbirlərə başlayıb.
Agentlikdən Femida.az-a verilən məlumata görə, qida sahəsində fəaliyyət göstərən sahibkarlıq subyektlərinin dövlət qeydiyyatına alınması üçün verilən müddət 2018-ci ilin dekabrın 31-də bitib.
Bildirilib ki, bu müddət ərzində AQTA sahibkarlıq subyektlərinin dövlət qeydiyyatı ilə bağlı dəfələrlə sahibkarlara rəsmi müraciətlər edib, mütəmadi maarifləndirmə tədbirləri həyata keçirib və KİV-də agentliyin adından sahibkarlıq subyektlərinə çoxsaylı xəbərdarlıqlar ünvanlanıb: "Ancaq buna baxmayaraq qeydiyyat üçün kifayət qədər uzun bir müddətin ayrılmasına və prosedurun kifayət qədər asan olmasına baxmayaraq, qida məhsulları sahəsində fəaliyyət göstərən bir çox sahibkarlıq subyektləri qeydiyyatla bağlı müəyyən olunmuş vaxt çərçivəsində müraciət etməyiblər.
Bununla bağlı, qanunvericiliyin tələblərinə uyğun olaraq agentlik tərəfindən indiyədək qida təhlükəsizliyi qeydiyyatından keçmək üçün müraciət etməyən sahibkarlıq subyektləri barədə inzibati tədbirlərin həyata keçirilməsinə, cərimələrin tətbiq olunmasına başlanılıb".
Agentlik bir daha qida sahəsində fəaliyyət göstərən sahibkarlıq subyektlərini dövlət qeydiyyatından keçməyə və öz fəaliyyətlərini qanunvericiliyin tələbləri çərçivəsində həyata keçirməyə çağırıb. Bildirilib ki, həyata keçirilən monitorinqlər zamanı qida təhlükəsizliyi qeydiyyatından keçməyən hər hansı sahibkarlıq subyeki aşkar olunarsa, dərhal həmin subyektlə bağlı qanunvericilik çərçivəsində inzibati qaydada cərimələr tətbiq olunacaq.
Qeyd edək ki, Azərbaycanda qida təhlükəsizliyi üzrə qeydiyyata alınmış sahibkarlıq subyektləri dövlət reyestrinə daxil edilir və həmin subyektlərə reyestrdən çıxarış verilir. “Yeyinti məhsulları haqqında” qanunun 7-ci maddəsinə əsasən qida təhlükəsizliyi üzrə qeydiyyata alınmamış qida sahəsində fəaliyyət göstərən subyektlərin fəaliyyəti qadağandır.
Femida.az
Oxunub: 728
Oxşar xəbərlər
- Agentlik əlillik təyinatı ilə bağlı verilən imtinaların səbəbini açıqlayıb
- Agentlikdən şikayətçi həkimə cavab: Bir ildə 25 min manat maaş alıb
- Agentlik: Son illərdə 7 mindən çox saxta əlillik ləğv edilib
- Agentlik direktoru çap mediasının inkişafı üçün görüləcək işləri açıqlayıb
- Agentlik Azərbaycan mahnısının oğurlanması ilə bağlı iddia qaldırdı
- Agentlik oturacaq yerlərindən istifadəyə qadağa qoydu
- Agentlik icbari tibbi sığorta ilə bağlı təsdiqlənən qaydalara aydınlıq gətirilib
- Agentlik: Təcili yardım maşını çağıranda gözləmə müddəti yoxdur və ödəniş edilmir
- Agentlik 38 nəfəri işə götürüb
- Agentlikdən hava xəbərdarlığı