Platini rüşvət aldığını etiraf etdi
22:41 19 Oktyabr 2015
UEFA prezidenti Mişel Platini FIFA rəhbəri Yozef Blatterdən 2 milyon İsveçrə frankı aldığını etiraf edib.
Femida.az “Le Mondi” qəzetinə istinadla xəbər verir ki, M.Platini həmin vəsaiti əldə olunan şifahi razılaşma əsasında aldığını bildirib: “Mən hüquqşünas və agent deyiləm. Blatter FIFA prezidentidir və mən də ona etibar etmişəm. Bildiyim qədər, İsveçrə qanunvericiliyində də şifahi razılaşma hüquqi baxımından tanınır”.
Qeyd edək ki, bir müddət əvvəl M.Platini və Y.Blatter korrupsiya faktı üzrə 90 gün ərzində fəaliyyətlərindən kənarlaşdırılıb.
Oxunub: 1137
