Hava şəraiti ilə əlaqədar nazirlikdə qərargah yaradıldı
17:53 16 Yanvar 2019
Nəqliyyat, rabitə və yüksək texnologiyalar naziri Ramin Quluzadə 16-18 yanvar tarixıərinə proqnozlaşdırılan hava şəraiti ilə əlaqədar tabeliyindəki qurumların rəhbərləri ilə görüş keçirib.
Femida.az xəbər verir ki, nazirin rəhbərliyi ilə operativ qərargah yaradılıb.
Əhalinin nəqliyyat, telekommunikasiya, poçt, o cümlədən internet, mobil rabitə xidmətləri, radio-televiziya yayımı ilə fasiləsiz şəkildə təmin edilməsinə dair müəssisə rəhbərlərinə tapşırıqlar verilib.
Nəqliyyat və rabitə obyektlərinin mühafizəsinin və yanğın təhlükəsizliyinin, eləcə də açıq havada işləyən işçilərin təhlükəsizliyinin təmin edilməsi üzrə müvafiq tədbirlər görülməsi barədə göstəriş verilib.
Qəza xidmət briqadaları hazırlıq vəziyyətinə gətirilib və növbətçi hissələr təşkil edilib.
Femida.az
Oxunub: 489
