Təranə qadın koloniyasına köçürüldü
20:39 16 Yanvar 2019
İnsan alverində təqsirləndirilərək həbs edilən tanınmış prodüser Təranə Səmədova artıq cəzaçəkmə müəssisəsinə köçürülüb.
Bu barədə T.Səmədovanın vəkili Janna Bağırova məlumat verib.
O deyib ki, T.Səmədova dünən Bakı İstintaq Təcridxanasından çıxarılaraq Ədliyyə Nazirliyi Penitensiar Xidmətinin 4 saylı qadın cəzaçəkmə müəssisəsinə aparılıb.
Vəkil onu da deyib ki, prodüser Bakı Apellyasiya Məhkəməsinin qərarından Ali Məhkəməyə kassasiya şikayəti vermək niyyətində deyil.
Xatırladaq ki, Nərimanov rayon Məhkəməsinin hökmü ilə T.Səmədova bir il müddətinə azadlıqdan məhrum edilib. O, məhkəmənin iclas zalında həbs olunub. Prodüser Bakı Apellyasiya Məhkəməsinə müraciət etsə də, onun şikayəti təmin edilməmişdi.
İttihama görə, Təranə Səmədovanın barəsində Daxili İşlər Nazirliyinin İnsan Alveri üzrə Mübarizə İdarəsində cinayət işi başlanıb.
O, iki qadını fahişəliyə cəlb etməkdə ittiham olunur. Cinayət işi üzrə iki qadın zərərçəkmiş şəxs qismində tanınıb.
İstintaq orqanı tərəfindən Təranə Səmədovanın barəsində Cinayət Məcəlləsinin 243.1-ci (gəlir və ya digər fayda əldə etmək məqsədilə fahişəliyə cəlb etmə) maddəsi ilə ittiham elan edilib.
Femida.az
Oxunub: 602
Oxşar xəbərlər
- Təranə Səmədova narkotikə görə cəzalandırılıb
- Təranə Səmədova polisə müqavimətə görə cərimələnib
- Təranə Səmədova yenə azadlığa çıxa bilmədi
- Təranə Səmədova həbs edildi
- Təranə Qumralın məhkəmə istintaqı başa çatdı
- Təranə Qumralın məhkəməsi başladı - CİNAYƏT İŞİ
- Təranə Qumral məhkəmə qarşısında - 3 ilə qədər həbs...