Rəsulzadənin barelyefini oğurlayan şəxs tutulub

Rəsulzadənin barelyefini oğurlayan şəxs tutulub


16:57     17 Yanvar 2019 2019/01/5ac27d9c-59d9-4727-bffc-a98965a254e4_1547729878.jpg

Azərbaycanın görkəmli dövlət xadimi Məhəmməd Əmin Rəsulzadənin Novxanı qəsəbəsində yerləşən barelyefini oğurlayan şəxs polis əməkdaşları tərəfindən saxlanılıb.


Femida.az xəbər verir ki, Novxanı bələdiyyəsindən verilən məlumata görə, bu, həmin qəsəbədə yaşayan Emin Məmmədov adlı şəxsdir.

**

Daxili İşlər Nazirliyi də yanvarın 15-də Abşeron rayonu Novxanı kəndində yerləşən körpələr evinin binasının divarına asılmış M.Ə.Rəsulzadənin barelyefini oğurlayanlar barədə məlumat yayıb.

Məlumatda bildirilir ki, cinayəti törətməkdə şübhəli bilinənlərdən 2 nəfəri saxlanılıb, digərlərinin tutulması istiqamətində tədbirlər davam etdirilir.

Araşdırma zamanı həmçinin məlum olub ki, barelyefi oğurlayan şəxslər onu hissələrə ayıraraq paytaxtın Binəqədi rayonu və Sumqayıt şəhərində yerləşən metal qəbulu məntəqələrinə satıblar. Barelyefin hissələri polis əməkdaşları tərəfindən metal qəbulu məntəqələrindən aşkar olunaraq maddi sübut kimi götürülüb.

Faktla bağlı Abşeron RPİ-də araşdırmalar davam etdirilir.




Femida.az

Açar sözlər:

Oxunub: 203