Kolumbiyada üç günlük matəm elan olunub
09:09 18 Yanvar 2019
Kolumbiya prezidenti İvan Duke paytaxt Boqotada ötən gün törədilmiş terror aktında ölənlərlə əlaqədar üçgünlük matəm elan edib.
Femida.az "Report"a istinadən xəbər verir ki, bu barədə dövlət başçısı xalqa müraciətində bildirib.
"Terror aktı anından biz həlak olanların ailələrinə bütün lazımi köməyi göstəririk, hamıya sevgimi, minnətdarlığımı ifadə edirəm. Və biz onların şərəfinə üçgünlük milli matəm elan edirik", - deyə Duke bildirib.
Dövlət başçısı həmçinin əlavə edib ki, kolumbiyalılar güclü və birləşmiş millətdir. "Bütün kolumbiyalılar terrorçuluğu rədd edirlər. Biz onlara fəaliyyətimizin qətiyyəti hesabına qalib gələcəyik, biz onlara vətəndaş əməkdaşlığı nəticəsində qalib gələcəyik. Biz qalib gələcəyik, vahid cəmiyyət olaraq", - deyə prezident vurğulayıb.
Qeyd edək ki, Kolumbiyanın paytaxı Boqotada törədilən partlayış zamanı 87 nəfər yaralanıb. Partlayışda ölənlərin sayı 11 nəfərə çatıb.
Femida.az
Oxunub: 436
Oxşar xəbərlər
- Kolumbiyada terror aktı törədilib, ölənlər və yaralılar var
- Kolumbiyada mədəndə partlayış nəticəsində ölənlərin sayı 12 nəfərə çatıb
- Kolumbiyada mitinqdə partlayış - 9 ölü, 4 yaralı
- Kolumbiyada təyyarə düşdü, sərnişinlərin hamısı öldü
- Kolumbiyada yeni silsilə zəlzələlər baş verib
- Kolumbiyada ardıcıl bir neçə zəlzələ baş verib
- Kolumbiyada prezident seçkilərinin ikinci turu başa çatıb
- Kolumbiyada prezident seçkiləri keçirilir