Bölgələrdə maye qaz bahalaşıb - Qiymət artımının əsası varmı? - VİDEO
10:28 23 Yanvar 2019
Gəncədə maye qazın satış qiyməti yanvarın 5-dən 5 qəpik artırılıb. Sürüclər azı iki həftədir ki, məntəqələrdən əvvəl 45 qəpiyə olan qazı indi 50 qəpiyə aldıqlarını deyirlər.
Xezerxeber.az-ın məlumatına görə, yanacaqdolurma məntəqələrində yeni qiymətləri inkar edən yoxdur. Bəzilərində qazın 50 qəpiyə satıldığı, hətta qiymət lövhələrində də əks olunub. Ancaq bahalaşmanın hansı qərara əsaslandığını deyən yoxdur.
Analoji hadisə Şəkidə də müşahidə edilir. Burda isə vətəndaşlar maye qazın 10 qəpik bahalaşdığını deyir.
Qaz satışı ilə məşğul olan şirkətin məsul əməkdaşı bildirir ki, qiymətlərin paytaxtdakı 45 qəpiklik qiymət əvəzinə 55 qəpiyə satılmasının bir sıra səbəbləri var.
İqtisadiyyat Nazirliyindən məsələ ilə bağlı "Xəzər Xəbər"ə bildirdilər ki, maye qazın topdan satışının qiyməti dövlət tərəfindən tənzimlənir. Bir ton qazın topdan satış qiyməti 300 manatdır. Ancaq qazın pərakəndə satış qiyməti dövlət tərəfindən tənzimlənmir. Buna görə də daşınma xərclərindən asılı olaraq müxtəlif bölgələrdə maye qazın qiyməti fərqli ola bilər.
Ancaq maraqlısı budur ki, yanvar ayında maye qazın pərakəndə satış qiymətinin artması üçün heç bir qiymət artımı və ya rüsum dəyişikliyi olmayıb. Bu yerdə sual yaranır: Bəs maye qazın satışında son bir ayda baş verən bahalaşmaya səbəb nədir?
İqtisadiyyat Nazirliyi və SOCAR qiymət artımını şərtləndirəcək hansısa hadisənin baş vermədiyini bildiriblər.
Oxunub: 754
Oxşar xəbərlər
- Bölgələrdə bayram günlərində gözlənilən hava şəraiti açıqlanıb
- Bölgələrdən paytaxta sərnişin daşıyan sürücülər həbs edilib - VİDEO
- Bölgələrdə işə gedib-gəlmə qaydası məlum oldu - Xüsusi karantin rejimində
- Bölgələrdə ən çox boşanma Ağdam və Masallıda qeydə alınıb
- Bölgələrdə konsertlər olacaq
- Bölgələrdə vəkillik büroları üçün bina ayrılıb
- Bölgələrdə 300 subartezian quyusu qazılıb
- Bölgələrdə DSMF-lər barədə araşdırmalar başlayıb - Ciddi nöqsanlar aşkarlanıb