Bank ötən il 824 mln. manat itirib
20:15 28 May 2016
Azərbaycan Beynəlxalq Bankı (ABB) 2015-ci ili 823,6 mln. manat həcmində zərərlə başa vurub. Əvvəlki ili isə Bank 14,363 mln. manat mənfəətlə yekunlaşdırıb.
Femida.az -ın Banka istinadən verdiyi xəbərə görə, ABB-nin mənfəət vergisindən əvvəlki zərəri - 1 013,955 mln. manat təşkil edib. Əvvəlki ildə ABB-nin vergidən əvvəlki mənfəəti 33,433 mln. manat olub.
Ötən il ABB-nin faiz gəliri 8,26% azalaraq 606,716 mln. manat təşkil edib. Faiz xərcləri isə 30,77% artaraq 490,065 mln. manata çatıb. Nəticədə Bankın faiz mənfətti 116,651 mln. manat təşkil edib ki, bu da illik müqayisədə 59,3% azalma deməkdir. Dəyərsizləşmə üzrə ehtiyatlardan sonra xalis faiz zərəri - 905,55 mln. manata bərabər olub. Halbuki 2014-cü ildə bu göstərici müsbət 79,076 mln. manat olub.
Qeyd edək ki, ABB-nin aktivləri illik müqayisədə 48,5% artaraq 2016-cı il yanvarın 1-nə 13 657,275 mln. manata çatıb. Aktivlərin tərkibində müştərilərə verilmiş kreditlərin həcmi 5 635,583 mln. manat təşkil edib. Bu da öz növbəsində əvvəlki ilin müvafiq dövrü ilə müqayisədə 28,3% azdır.
Bankın səhmdar kapitalı 8,66% artaraq cari ilin əvvəlinə 641,287 mln. manata çatıb. Bölüşdürülməmiş zərəri 744,75 mln. manat olub. Əvvəlki ilin müvafiq dövründə Bankın bölüşdürülməmiş mənfəəti 65,67 mln. manat təşkil edib.
Oxunub: 1246
Oxşar xəbərlər
- Banklar ötən ilin 11 ayını mənfəətlə başa vurub
- Banklardan 3 milyon oğurlayan kibercinayətkar Azərbaycana gətirilib
- Banklar gücləndirilmiş iş rejimində işləyəcək
- Bank işçisi tutuldu - 425 min dollarlıq dələduzluq
- Banklar Qarabağa pul köçürən şirkətə veto qoydu
- Bankomatların sayı artıb
- Bankomatdan 40 min manat oğurlanıb
- Banklarda gecikmiş kreditlərin məbləği artıb
- Bankomatların sayı azalmaqdadır
- Bank sektorunda izafi likvidlik var - Mərkəzi Bank