Qafqaz Universitetinin tələbələrinin DİQQƏTİNƏ! - BƏYANAT
16:40 18 Yanvar 2017
Qafqaz Universiteti təhsil ocağının ləğv edilməsi ilə bağlı bəyanat yayıb.
Universitetin mətbuat xidmətindən Femida.az-a daxil olan bəyanatda bildirilir ki, Qafqaz Universiteti təsisçisi Azərbaycan Beynəlxalq Təhsil Kompleksinin qərarı əsasında ləğv edilir.
"Təsisçi tərəfindən təşkil edilən Ləğvetmə Komissiyası tərəfindən qanunvericiliyin tələblərinə uyğun proses idarə edilir və bu çərçivədə 18 yanvar 2017-ci il tarixində rəsmi qəzetdə elan verilib.
Qafqaz Universitetində hal-hazırda tədris fəaliyyətləri fasiləsiz davam etdirilir, qış imtahan sessiyasının gedişində heç bir problem yoxdur.
Məlumat üçün bildiririk ki, tələbələrimizin təhsil hüquqlarının təmin edilməsi, təhsillərini uğurla davam etdirmələri baxımından heç bir problem yaranmayacaq.
Qafqaz Universitetində təhsil alan tələbələrin böyük əksəriyyəti yüksək bal toplayaraq universitetə qəbul olunan tələbələrdir və bu tələbələrimizin və valideynlərinin narahatlığına heç bir səbəb yoxdur.
Ləğv edilən Qafqaz Universiteti haqqında tərəfimizdən verilən bu məlumat xaricində heç bir rəsmi qaynağa istinad etməyən məlumatlar əsassızdır və etibar edilməməlidir", - bəyanatda vurğulanır.
Femida.az
Oxunub: 1557
Oxşar xəbərlər
- Qafqazın ən böyük məscidi Bakıdadır - Dövlət tərəfindən qorunan məscidlər
- Qafqaz Müsəlmanları İdarəsi dünyaya müraciət edib
- Qafqaz Universiteti ləğv olundu
- Qafqaz Universitetinin adı dəyişdiriləcək
- Qafqaz Universitetinə yeni rektor təyinatı - Foto
- Qafqaz Universitetinin prorektoru da işdən qovuldu - GÜLƏN ŞÜBHƏSİ
- Qafqaz Universiteti Elmar Qasımova təhvil verildi
- Qafqaz universiteti Neft Məktəbinin idarəçiliyinə verildi
- Qafqazın ən böyük kitab evi açıldı - Gəncədə
- Qafqazın əsil sahibi kimlər imiş?