Səhiyyə komitəsi ilk iclasını keçirdi
18:03 18 Yanvar 2017
Yanvarın 18-də Milli Məclisin səhiyyə komitəsinin yaz sessiyasında ilk iclası keçirilib.
Femida.az xəbər verir ki, komitənin sədri Əhliman Əmiraslanov əvvəlcə 2016-cı il payız sessiyası dövründə görülən işlər və 2017-ci ilin yaz sessiyası üçün nəzərdə tutulan qanunvericilik işləri barədə məlumat verib.
Komitə sədri bildirib ki, hesabat dövründə 3 iclas keçirilib. Səkkiz məsələ müzakirə edilib ki, bunlardan da 7-si qanun layihəsi olub.
Hesabat dövründə komitəyə 174 ərizə və şikayət daxil olub, komitə adından müxtəlif orqanlara aidiyyəti üzrə baxılıb tədbir görülməsi üçün 155 məktub göndərilib. Ötən dövrdə komitə sədri tərəfindən 52 vətəndaş qəbul edilib.
Milli Məclisin deputatları komitənin payız sessiyası dövründə fəaliyyətini qənaətbəxş qiymətləndirib, yaz sessiyasının iş planını təsdiqləyiblər.
Yaz sessiyasında “Psixoloji yardım haqqında”, “Reproduktiv sağlamlıq haqqında” qanun layihələrinin hazırlanması, gözün buynuz qişasının transplantasiyası və optika xidmətinin yaxşılaşdırılması ilə bağlı müvafiq qanunverici aktlara dəyişikliklər edilməsi nəzərdə tutulur.
Femida.az
Oxunub: 939
Oxşar xəbərlər
- Səhiyyə Nazirliyinin strukturu dəyişdi
- Səhiyyə Nazirliyində kollegiya iclası keçirildi
- Səhiyyə Nazirliyi ilə Gömrük Komitəsi üz-üzə: Dərman qalmaqalı böyüyür
- Səhiyyə Nazirliyindən qriplə bağlı – AÇIQLAMA
- Səhiyyə naziri istefa verdi - ABŞ-da
- Səhiyyə naziri vətəndaşları qəbul edib
- Səhiyyə naziri əmr imzaladı
- Səhiyyədən şikayət edənlərin sayı azalıb
- Səhiyyə Nazirliyi: 192 saxta diplom aşkarlanıb
- Səhiyyə müəssisələri də özəlləşdiriləcək