İraqda kütləvi məzarlıq tapılıb

22:35     25 Fevral 2017

İraqın Mosul şəhəri yaxınlığında təqribən 4 min meyitin basdırıldığı kütləvi məzarlıq aşkar edilib.

“Telegraph” nəşri yazır ki, böyük çala Mosul ilə İraqın paytaxtı Bağdadı birləşdirən yol yaxınlığındakı Hasfa rayonundadır.

İŞİD terrorçuları 2014-cü ildə əsir götürdükləri İraq hərbçi və polislərini qətlə yetirərək bu çalada basdırıblar. Yerli sakinlərin sözlərinə görə, sözügedən qətllər İŞİD 2014-cü ilin yayında Mosulu ələ keçirdikdən 6 ay sonra baş verib.

Şahidlərin məlumatına görə, qurbanların əksəriyyəti güllələnib. Çalanın dərinliyi isə 400 metrdən çoxdur.

Femida.az

Açar sözlər:

Oxunub: 963