Fransadakı seçkilərin ilk turu - YEKUN NƏTİCƏLƏR
13:05 24 Aprel 2017
Fransada birinci tur prezident seçkilərinin qalibi müəyyənləşib.
`Reuters` agentliyinin yaydığı xəbərə görə, artıq bülletenlərin 100 faizi hesablanıb.
Sabiq iqtisadiyyat naziri, “İrəli” hərakatının lideri Emmanuel Makron 23,75%, “Milli Cəbhə” partiyasının lideri Marin Le Pen isə 21, 53 % səs toplayıb. Sabiq baş nazir, respublikaçıların namizədi Fransua Fiyon 19,91 faiz səslə üçüncü, solçu namizəd Jan-Lyuk Melanşon isə 19,64 faiz səslə dördüncü yerdə qərarlaşıb.
Beləliklə, Fransada prezident seçkilərinin ikinci turuna Le Pen və Makron adlayıb. Seçkilərin ikinci turu mayın 7-də keçiriləcək.
Femida.az
Oxunub: 2485
