Kəlbəcər girovları ilə görüş olacaq
16:06 24 Aprel 2017
Beynəlxalq Qızıl Xaç Komitəsinin (BQXK) nümayəndələri Kəlbəcərdə erməni işğalçıları tərəfindən girov götürülən Şahbaz Quliyev və Dilqəm Əsgərova baş çəkəcək.
Femida.az xəbər verir ki, bu barədə azvision.az-a girov Ş.Quliyevin qardaşı İlham Quliyev məlumat verib.
Onun sözlərinə görə, görüş yaxın günlərdə baş tutacaq: "Bir neçə gün əvvəl Beynəlxalq Qızıl Xaç Komitəsinin nümayənələrinin vasitəsilə Şahbaza məktub göndərdik. Bildirdilər ki, məktubu görüş zamanı ona təqdim edəcəklər, həmçinin onun məktubunu bizə çatdıracaqlar. Bu müddət ərzində qardaşımla bağlı məlumat almamışıq. Ona görə çox narahatıq".
Xatırladaq ki, 2014-ci ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər, Azərbaycan vətəndaşı Həsən Həsənov isə güllələnərək öldürülüb. H. Həsənovun meyiti düşməndən alınaraq Bakıda dəfn edilib.
İşğal altındakı Dağlıq Qarabağda D. Əsgərov və Ş. Quliyev üzərində qanunsuz "məhkəmə" qurublar. "Məhkəmə"nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilmə cəzasına məhkum olunub.
Femida.az
Oxunub: 931
Oxşar xəbərlər
- Kəlbəcər girovlarının işi Avropa Məhkəməsində
- Kəlbəcər sakini özün asıb
- Kəlbəcərin işğalından 24 il ötür
- Kəlbəcər sakini silah satarkən tutuldu
- Kəlbəcər sakini narkotik satarkən tutuldu
- Kəlbəcər girovlarının işi prezidentin diqqətindədir - XİN
- Kəlbəcərdən ən son FOTOLAR
- Kəlbəcərli girovların azad edilməsi üçün şans
- Kəlbəcər girovlarının azad edilməsi üçün iş gedir
- Kəlbəcər girovları ilə bağlı Papaya müraciət edildi