Tovuzda filial müdirinin qətlinin üstü açılıb - Baş mühasib saxlanılıb
00:22 25 Aprel 2017
Tovuz rayonunda törədilən qətl hadisəsinin üstü açılıb.
Həmin şəxs şirkətin baş mühasibi Vidadi Vəliyevdir. V.Vəliyev şübhəli şəxs qismində saxlanılaraq istintaqa cəlb edilib. Aparılan zəruri əməliyyat-istintaq tədbirləri nəticəsində V.Vəliyev qətl hadisəsini törətdiyini etiraf edib. O, istintaqa ifadəsində qətli pul mübahisəsi üstə törətdiyini bildirib. V. Vəliyev hüquq-mühafizə orqanları əməkdaşları tərəfindən hadisə yerinə aparılıb və cinayət yerində dindirilib.
Faktla bağlı Tovuz rayon Prokurorluğunda Cinayət Məcəlləsinin 120-ci ( qəsdən adam öldürmə) maddəsilə cinayət işi başlanıb, Tovuz rayon Məhkəməsinin qərarı ilə V.Vəliyev barəsində həbs qətimkan tədbiri seçilərək istintaqa cəlb edilib.
Qeyd edək ki, aprelin 22-də "Azərsığorta" Dövlət Sığorta Şirkətinin Tovuz rayon filialının müdiri Raya Nəsrəddin qızı Bayramova iş otağında küt alətlə qətlə yetirilib.
Onun müavini Vidadi Bəhman oğlu Vəliyev şahid qismində ifadə verərkən bildirib ki, o şirkətə daxil olmaq istəyib, lakin qapı bağlı olduğu üçün binanın damına çıxıb, nəticədə damdan yıxılaraq xəsarət alıb.
Femida.az
Oxunub: 5289
Oxşar xəbərlər
- Tovuzda yanğın olub
- Tovuzda növbəti olay - Saxlanılanlar var
- Tovuzda avtomobil aşdı - Sürücünün boynu qırıldı
- Tovuzda hadisə: Qadını zorlamaq istəyən gəncin burnunu sındırdılar
- Tovuzda 9 yaşlı uşağı it tutub
- Tovuzda orta məktəb yanıb
- Tovuzda kişi qardaşını döydü - Arvadına görə
- Tovuzda ev yandı
- Tovuzda 27 yaşlı qadın bit dərmanı içdi
- Tovuzda 40 yaşlı qadın bıçaqlanıb