• Ana səhifə / Manşet

Xəbər lenti

Mübariz Qurbanlı səfirlə görüşüb


Tarix 19.06.17, 14:07


Dini Qurumlarla İş üzrə Dövlət Komitəsinin sədri Mübariz Qurbanlı iyunun 19-da Gürcüstan Respublikasının Azərbaycandakı fövqəladə və səlahiyyətli səfiri Teymuraz Şaraşenidzeni qəbul edib.


Komitədən Femida.az-a verilən məlumata görə, görüş zamanı Azərbaycan və Gürcüstan arasında dini sahədə qarşılıqlı maraq doğuran məsələlər müzakirə olunub.

Dövlət Komitəsinin sədri Mübariz Qurbanlı bildirib ki, Azərbaycanda dövlətin din siyasəti bütün dini konfessiyalara bərabər şəraitin yaradılması, dini icmalara və ibadət yerlərinə dövlət qayğısı əsasında formalaşıb. Azərbaycanda ikisi gürcü pravoslav xristian dini icması olmaqla, 28 qeyri-müsəlman dini icmanın dövlət qeydiyyatından keçdiyini xatırladan Komitə sədri müsəlman dini icmalarla yanaşı qeyri-müsəlman dini icmalara da hərtərəfli diqqət və yardım göstərildiyini vurğulayıb.

T. Şaraşenidze Azərbaycanda dövlət-din münasibətlərinin yüksək səviyyədə qurulmasından məmnun olduğunu bildirib. Səfir iki ölkə arasında mövcud münasibətlərin və qarşılıqlı əməkdaşlığın qorunub saxlanılmasının və inkişaf etdirilməsinin zəruriliyini qeyd edib.

Qarşılıqlı hörmət və səmimiyyət şəraitində keçən görüşün sonunda səfir Komitə sədrini və əməkdaşlarını qarşıdan gələn müqəddəs Ramazan bayramı münasibətilə təbrik edib.

Femida.az

Xəbərin oxunma sayı : 559











img

Erməni kəşfiyyatçısını əsir götürən zabitin xanımı: `Vəzifədə cəmi bir gün işlədi`(VİDEO)

img

Sorğu

Harada istirahət edəcəksini?

Səs ver
Nəticəyə bax
img
img