DİM nümayəndələri Niderlandda təlimdə olub
23:30 22 İyun 2017
Dövlət İmtahan Mərkəzi (DİM) və Litva Dövlət Katibliyinin Avropa İttifaqının Tvinninq yardım aləti çərçivəsində birgə həyata keçirdiyi “Azərbaycanda dövlət qulluğu islahatlarının davam etdirilməsinə dəstək layihəsi” ilə əlaqədar DİM-in icraçı direktoru Vəfadar Misirovun rəhbərlik etdiyi nümayəndə heyəti bu il iyunun 12-dən 14-dək Belçika, iyunun 15-16-da isə Niderland Krallığında təlim səfərində olub.
DİM-dən Femida.az -a bildiriblər ki, Belçika Krallığı Federal Dövlət Qulluğu Departamentində keçirilən görüşdə Belçikada dövlət qulluğuna qəbul prosesi, namizədlərin qiymətləndirilməsində istifadə olunan metod və alətlər barədə məlumat əldə edilib, qulluğa qəbulun müsahibə mərhələsində istifadə olunan test, şifahi və yazılı tapşırıqlar nümunələr əsasında öyrənilib.
Avropa İttifaqının struktur bölmələrinə işçi qəbulunu həyata keçirən Avropa Kadr Seçilməsi İdarəsində (EPSO) keçirilən görüşdə EPSO tərəfindən kadr seçilməsi prosesində istifadə edilən alətlər öyrənilib və EPSO-nun elektron test sistemi ilə tanışlıq həyata keçirilib.
Niderlandda keçirilən görüşlərdə isə Niderland dövlət qulluğu sistemi və yüksək vəzifəli dövlət qulluqçularının seçilməsi qaydaları haqqında ətraflı məlumat əldə olunub, insan resurslarının idarə edilməsi, o cümlədən dövlət qulluqçularının seçilməsi zamanı rast gəlinən çətinliklər barədə müzakirələr aparılıb.
Femida.az
Oxunub: 897
Oxşar xəbərlər
- DİM imtahan nəticələrini prezidentə təqdim edəcək
- DİM 205 müəllimə qadağa qoydu
- DİM imtahan keçirib
- DİM onları cərimələyəcək
- DİM-dən buraxılış imtahanları ilə bağlı - Açıqlama
- DİM tarix dərsliyi ilə bağlı qalmaqala münasibət bildirdi
- DİM-də növbəti SAT imtahanları keçirilib
- DİM mütəxəssis axtarır - Test tapşırıqları üçün
- DİM abituriyentlərə xəbərdarlıq etdi: `Diqqətli olun!`
- DİM “Facebook” istifadəçilərinə müraciət edib