Bakı Ali Neft Məktəbində Silahlı Qüvvələr günü qeyd olundu
15:31 23 İyun 2017
Bakı Ali Neft Məktəbində (BANM) 26 iyun – Silahlı Qüvvələr gününə həsr olunmuş tədbir keçirilib.
BANM-dən Femida.az-a bildirilib ki, tədbirdə BANM-in rəhbərliyi, professor-müəllim heyəti, əməkdaşları və tələbələri iştirak ediblər. Ali Məktəbin Tədris, elm və beynəlxalq əlaqələr üzrə prorektoru Ramiz Hümbətov Ulu öndər Heydər Əliyevin 1998-ci il mayın 22-də imzaladığı Fərmanla 26 iyun tarixinin Silahlı Qüvvələr günü elan edildiyini vurğulayaraq, Azərbaycanda güclü, qüdrətli və yüksək döyüş hazırlığına malik ordu yaradılmasının onun adı ilə bağlı olduğunu bildirib. O qeyd edib ki, milli ordumuz Azərbaycan dövlətinin müstəqilliyini, ərazi bütövlüyünü və xalqının azadlığını mətinliklə qoruyur.
BANM-in İngilis dili və humanitar fənlər mərkəzinin dosenti Ələmdar Şahverdiyev “Azərbaycan milli ordusunun yarandığı tarixi şərait və ordu quruculuğunda qarşıya çıxan çətinliklər (1918-1920)” adlı məruzə ilə çıxış edib. O bildirib ki, Azərbaycan Xalq Cümhuriyyəti cəmi 23 ay yaşamasına baxmayaraq, ölkədə çox böyük işlər görülmüşdü və bu işlərdən biri də ordu quruculuğu sahəsində görülən tədbirlərdir.
Tədbirin sonunda Azərbaycan Xalq Cümhuriyyətinin tarixi, Silahlı Qüvvələrimizin keçdiyi şərəfli yol, ordunun hazırkı döyüş qabiliyyəti haqqında hazırlanmış sənədli film nümayiş etdirilib.
Femida.az
Oxunub: 638
Oxşar xəbərlər
- Bakıda daha bir yol çökdü - VİDEO
- Bakıda kişini döydülər
- Bakıda beş otaqlı ev yandı
- Bakıda qız anasını stəkanla döydü
- Bakıda mağazadan oğurluq - 17 min manatlıq
- Bakı və Qusarda oğurluq edən şəxslər saxlanılıb
- Bakıdakı yanğında 5 nəfər zəhərlənib - RƏSMİ
- Bakı sakinləri ən çox hansı avtomobilləri sevir? - SORĞU
- Bakı neft də ucuzlaşdı - YENİLƏNİB
- Bakıda zəncirvari qəza - 6 maşın toqquşdu