Mingəçevirdə evlər su altında qalıb
01:10 25 İyun 2017
Mingəçevir şəhərinə yağan güclü leysan yağışlarından sonra əmələ gələn sel suları ciddi fəsadlar törədib.
Boz dağdan gələn sel suları Mingəçevir şəhərinin şimalındakı “Günəşli” bağ massivində 120-dən çox fərdi yaşayış evinə ziyan vurub. Evləri su basıb, küçələrdə, həyətyanı sahələrdə keçilməz su gölməçələri və lil qatı əmələ gəlib. Təbii fəlakət zamanı yerli sakinlərin tərəvəz bitkiləri və ev quşları da tələf olub.
Hazırda yaşayış massivinin 13, 14 və 15-ci küçələrində vəziyyət daha da acınacaqlıdır. Yerli sakin Şəhla Cəfərzadənin sözlərinə görə, onun mənzilinin içərisi tamamilə lil və sel suları ilə dolduğu üçün 3 uşağı ilə birgə evi tərk edib. Əraziyə FHN-nin əməkdaşları baxış keçirib. Sel suları evi qəzalı vəziyyətə saldığı üçün ailə üzvləri başqa mənzilə yerləşdirilib. Sel suları Tahir Zakirovun mənzilinə də ciddi ziyan vurub.
Yerli sakinlər selin fəsadlarının ağır olmasını “Günəşli” yaşayış massivindən keçən su kanalının çəkilişi zamanı nöqsanlara yol verilməsi, su ötürücülərinin lil və çöküntülərlə dolması səbəbindən baş verdiyini bildirirlər.
Hazırda ərazidə selin fəsadlarının aradan qaldırılması üçün işlər görülür. (apa)
Femida.az
Oxunub: 754
Oxşar xəbərlər
- Mingəçevirdə 4 otaqlı ev yanıb
- Mingəçevirdə yataqxanada yanğın: 17 nəfər təxliyə olunub
- Mingəçevirdə kişi meyiti tapıldı
- Mingəçevirdə kişi meyiti tapılıb
- Mingəçevirdə güclü yanğın - 10 nəfər təxliyyə olunub
- Mingəçevirdə iş adamını döyən şəxslər saxlanılıb
- Mingəçevirdə sex yanıb
- Mingəçevirdə maşınlar toqquşdu
- Mingəçevirdə üçəm qız dünyaya gəlib
- Mingəçevirdə kişi meyiti tapıldı