Ukraynadan Azərbaycana toyuq əti gətirənlərə cinayət işi açıldı
21:44 20 İyul 2017
Ukraynadan ölkəmizə tərkibində normadan 6 dəfəyə qədər artıq nəmliyin kütlə payı olan dondurulmuş toyuq əti məhsulları idxal edən bir neçə şirkətin vəzifəli şəxslərinin qanunsuz əməlləri barədə Azərbaycan İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətindən daxil olmuş material Baş prokuror yanında Korrupsiyaya qarşı Mübarizə Baş İdarəsində araşdırılıb.
Baş Prokurorluqdan Femida.az-a verilən məlumata görə, araşdırma zamanı Ukraynadan Azərbaycana dondurulmuş toyuq əti məhsulları gətirilməsi ilə məşğul olan bir neçə şirkətin vəzifəli şəxslərinin vəzifə səlahiyyətlərindən sui-istifadə edərək ölkəyə tərkibində nəmliyinin kütlə payı normadan 6 dəfəyə qədər artıq olan Ukrayna istehsalı dondurulmuş toyuq əti məhsulları idxal edərək malın ölçüsünə, çəkisinə və keyfiyyətinə dair istehlakçıları xeyli miqdarda aldatmalarına şübhələr üçün əsaslar olduğundan fakta görə Cinayət Məcəlləsinin 308.1 (vəzifə səlahiyyətlərindən sui-istifadə) və 200.1 (istehlakçıları xeyli miqdarda aldatma) maddələri ilə cinayət işi başlanıb.
Hazırda cinayət işi üzrə təqsirkar şəxslərin tam dairəsinin müəyyən edilərək cinayət məsuliyyətinə cəlb olunmaları istiqamətində zəruri istintaq-əməliyyat tədbirləri davam etdirilir.
Femida.az
Oxunub: 1421
Oxşar xəbərlər
- Ukraynadan olan 40 hərbçi uşağı Türkiyədə dincələcək - Azərbaycanın hesabına
- Ukraynadan Rusiyaya yeni sanksiyalar
- Ukraynadan etiraz: Putini MDB-də sədr istəmirik
- Ukraynadan gələn qatar bu gün Bakıya çatacaq
- Ukraynadan Rusiyanın məhkəmə hədəsinə cavab: “HAZIRIQ”
- Ukraynadan ermənilərə “soyqırım” zərbəsi
- Ukraynadan Azərbaycana insan orqanı gətirilir?
- Ukraynadan qaçdı Azərbaycanda tutuldu
- Ukraynadan “Bakı Gözlə Bizi” mesajı (VİDEO)