Vüqar Qaradağlı işdən niyə çıxarıldı? - MTRŞ-dan açıqlama
23:30 26 Sentyabr 2017
“Azad Azərbaycan” Teleradio Yayım Şirkətinin rəhbərliyinin dəyişdirilməsi təsisçilər tərəfindən qəbul olunmuş qərardır.
Bunu Femida.az -a Milli Televiziya və Radio Şurasının (MTRŞ) Aparat rəhbəri Toğrul Məmmədov bildirib.
MTRŞ rəsmisi deyib ki, bu məsələdə başqa səbəb axtarmaq lazım deyil: ““Televiziya və radio yayımı" haqqında qanunun 2-ci maddəsinə əsasən, telekanal rəhbərliyinin dəyişdiriliməsi telekanalın təsisçilərinin səlahiyyətindədir. Təsisçilər istədikləri vaxt rəhbəri dəyişdirə bilərlər. Burada qeyri-adi heçnə yoxdur”.
Qeyd edək ki, bu gün Vüqar Qaradağlı ATV-nin rəhbəri vəzifəsindən uzaqlaşdırılıb və onun yerinə CBC telekanalının direktoru Azər Xəlilov təyin olunub.
Oxunub: 3365
