• Ana səhifə / Manşet

Xəbər lenti

Sumqayıtda sökülən şəhid plakatlarına rəsmi münasibət - FOTO


Tarix 12.10.17, 15:55


Bir neçə gün öncə aprel döyüşləri zamanı şəhid olmuş Əbdülməcid Axundovun, Şülan Bayramovun, Seymur Baxışovun, Rəşid Baxşəliyevin və digərlərinin şəkilləri olan plakatlar yaşadıqları evin qarşısında asılmışdı.


Bu addım ictimaiyyət tərəfindən müsbət qarşılansa da,dünən gecə həmin plakatlar naməlum şəxslər tərəfindən ərazidən götürülüb.

Şəhid ailələri plakatları sökülüb kənara atılmış vəziyyətdə görüblər.


“ Bu hadisə mənə oğlumun şəhid olduğu haqda xəbəri alarkən keçirdiyim hissləri təkrar yaşatdı. Bu plakatları sökənlər yaşadığımız sevinc hissini yox etdilər”, deyə şəhid Əbdülməcid Axundovun anası Ceyran Axundova bildirib.


Femida.az Sumqayıt Şəhər İcra Hakimiyyətindən məsələ ilə bağlı münasibət öyrənməyə çalışıb.

İctimai-siyasi və humanitar məsələlər şöbəsinin baş məsləhətçisi Eyvaz Qocayev bildirib ki, şəhid adlarının əbədiləşdirilməsi qanunla müəyyən olunmuş qaydadad həyata keçirilir.

“Şəhid adlarının əbədiləşdirilməsi müxtəlif formalarda ola bilər. Bu da qanunla tənzimlənir. Sizin qeyd etdiyiniz plakatların yerləşdirilməsindən və sökülməsindən icra hakimiyyətinin xəbəri yoxdur”, deyə Eyvaz Qocayev açıqlamasında bildirib.





Mircəlal Məcidli
Femida.az


Xəbərin oxunma sayı : 4249









Cəmiyyət
img

83 yaşlı tənha geoloqun acı taleyi: `Xoşbəxt Yusifzadə ilə birgə işləmişəm` - (VİDEO)

img

Sorğu

Harada istirahət edəcəksini?

Səs ver
Nəticəyə bax
img
img