Naviqasiya problemi yaranan təyyarə Bakıya eniş edib - YENİLƏNİB
17:00 22 Oktyabr 2017
Oktyabrın 21-də Astanadan Bakıya uçan, lakin naviqasiya sistemində yaranmış texniki problemlərə görə Qazaxıstan paytaxtına qayıdan sərnişin təyyarəsi yenidən Bakıya qayıdıb.
Bu barədə AZAL məlumat yayıb.
Məlumata görə, təyyarə saat 11:00-da Bakıya eniş edib.
Qeyd edək ki, təyyarənin göyərtəsində 90 sərnişin olub.
***
Oktyabrın 21-də Astanadan Bakıya uçan sərnişin təyyarəsi naviqasiya sistemində yaranan problemə əlaqədar geri qayıdıb.
Femida.az TASS-a istinadən bildirir ki, bu barədə Qazaxıstanın İnvestisiya və İnkişaf Nazirliyinin Mülki Aviasiya Komitəsi məlumat yayıb.
Məlumatda qeyd olunub ki, avialayner Bakı vaxtı ilə saat 22:56-da ştat rejimində eniş edib. Heyət üzvləri standart təhlükəsizlik prosedurlarına əməl ediblər.
Təyyarənin göyərtəsində 90 sərnişin olub.
Femida.az
Oxunub: 842
