Qaçan məhbusların axtarışına başlanıldı
16:06 23 Oktyabr 2017
Ədliyyə Nazirliyi Penitensiar Xidmət (PX) məhkumların qaçması haqqında məlumat yayıb.
PX-in İctimaiyyətlə əlaqələr şöbəsindən Femida.az -a daxil olan məlumatda bildirilir ki, oktyabrın 23-də Bakı- Astara - Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, hal-hazırda CM-nin müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.
Daxili İşlər Nazirliyinin ərazi polis orqanlarına təqsirləndirilən şəxslər E.Məmmədov və Ə. Ağami barəsində müvafiq məlumatlar təqdim edilib.
Faktla bağlı Azərbaycan Respublikası Baş Prokurorluğunun Ağır Cinayətlərə Dair İşlər üzrə İstintaq idarəsi tərəfindən cinayət işi başlanmış, istintaq aparılır.
Axtarış tədbirləri davam etdirilir.
Femida.az
Oxunub: 1918
Oxşar xəbərlər
- Qaçan məhbusa qarşı yeni ittiham irəli sürüldü
- Qaçan məhbusu hansı halda öldürmək olar? - Qanundan çıxarış
- Qaçan məhbuslardan biri tutuldu - TƏCİLİ
- Qaçan məhbusların adları bilindi - Avtoritetlərlə əlaqələri var (FOTOLAR)
- Qaçan sürücüyə cərimə yaza bilməyəcəklər - YENİLİK
- Qaçan prokurorlar İnterpola verildi