Telefon oğurlayıb qaçmaq istəyərkən tutuldu - FOTO
15:45 14 Noyabr 2017
Paytaxtın Nizami rayonunda qadının mobil telefonunu soyğunçuluq yolu ilə ələ keçirən şəxs polis əməkdaşının çevikliyi sayəsində zərərsizləşdirilib.
Daxili İşlər Nazirliyinin mətbuat xidmətindən Femida.az-a verilən məlumata görə, noyabrın 12-də Qara Qarayev prospektində yerləşən ticarət mərkəzlərindən birinin qarşısında naməlum şəxs paytaxt sakini olan bir qadının 550 manat dəyərində “Samsung” markalı mobil telefonunu soyğunçuluq yolu ilə ələ keçirərək hadisə yerindən qaçıb. Zərərçəkən hadisə barədə həmin ərazidə xidmət aparan Əlahiddə Çevik Polis Alayının 5-ci Patrul Bölüyünün əməkdaşlarına məlumat verib.
Dərhal polis serjantı Orxan Ağcayev tərəfindən cinayəti törətməkdə şübhəli bilinən şəxsin isti izlərlə axtarışı həyata keçirilib və o, polisin çevikliyi sayəsində hadisə yerindən 300-400 metr kənarda saxlanılaraq zərərsizləşdirilib. Saxlanılan şəxs ərazi üzrə Nizami Rayon Polis İdarəsinin 24-cü Polis Bölməsinə təhvil verilib. Onun üzərindən qadına aid mobil telefon aşkar olunub və sahibinə qaytarılıb.
Bölmədə araşdırma aparılan zaman cinayəti törətməkdə şübhəli bilinən şəxsin əvvəllər dəfələrlə məhkum olunmuş Mingəçevir şəhər sakini Emil Məmmədov olduğu məlum olub. O, ifadəsində soyğunçuluq hadisəsini törətdiyini etiraf edib.
Faktla bağlı Cinayət Məcəlləsinin müvafiq maddələri ilə cinayət işi başlanılıb, araşdırmalar aparılır. Polis əməkdaşları soyğunçuluq etməkdə şübhəli bilinən bu şəxsin digər analoji cinayətlərdə iştirak etdiyini də istisna etmirlər. Onun əməllərindən zərərçəkən başqa şəxslər varsa, bu barədə Daxili işlər Nazirliyinin “102” Zəng Mərkəzinə və ya ərazi üzrə polis idarəsi müraciət edə bilərlər.
Femida.az
Oxunub: 1025
Oxşar xəbərlər
- Telefon qovşağından oğurluq edilib
- Telefonlarınızın saatları avtomatik geri çəkiləcək - Diqqətli olun
- Telefonumuza gələn dini mesajları kim göndərir? - Hacı Şahindən açıqlama
- Telefonunuza bezdirici SMS-lər gəlməyəcək - Qanuna dəyişiklik
- Telefonla danışan kişini ildırım vurdu - VİDEO
- Telefon xəttimi kəsib, nömrəmi satışa çıxardılar – Lerikdən müraciət
- Telefon oğurlayan şəxsə 9 il HƏBS
- Telefon danışıqlarını qanunsuz yayanlara qarşı SƏRT CƏRİMƏ
- Telefon və nömrə satışı ilə bağlı cəzalar sərtləşdirilib
- Telefonun adapterindən tiryək çıxdı - Biləsuvarda