Ağac kəsənlərin işi məhkəməyə göndərilib
14:28 19 Noyabr 2017
Oğuzda meşələri qıranlara və qanunsuz ağackəsmə ilə məşğul olanlara qarşı rayon Polis şöbəsi (RPŞ) tərəfindən tədbirlər davam etdirilir.
Daxili İşlər Nazirliyinin yaydığı məlumata görə, “Ətraf mühitin mühafizəsi”, təbiətdən istifadə və ekoloji təhlükəsizlik qaydaları əleyhinə olan inzibati xətalarla bağlı 2017-ci ilin on ayı ərzində Oğuz RPŞ tərəfindən 51 inzibati protokol tərtib olunub.
Azərbaycan Respublikası İnzibati Xətalar Məcəlləsinin (İXM) 252-ci maddəsi ilə yəni, meşəqırma fondundan istifadənin oduncağın tədarük edilib daşınması qaydasının pozulmasına görə, 6 fakt, meşəqırma bileti olmadan meşə fondunun kök üstə yaş ağacların və kolların kəsilməsi, məhv edilməsi və zədələnməsinə görə 6 fakt, meşə fonduna aid olmayan ağac və ya kol əkililərinin zədələnməsinə, kəsilməsinə və ya məhv edilməsinə görə 5 fakt və nəhayət Azərbaycan Respublikası İXM-nin 244.2-ci maddəsi ilə, yəni torpaqların, meşə fondu torpaqlarının münbit qatının korlanmasına görə 34 fakt qeydə alınıb və barələrində müvafiq tədbirlər görülüb.
Eləcə də Oğuz rayon Polis şöbəsi tərəfindən Azərbaycan Respublikası Cinayət Məcəlləsinin 259.1-ci maddəsi ilə iki cinayət faktı qeydə alınaraq araşdırma aparılıb və baxılması üçün məhkəməyə göndərilib.
Oğuz rayon Polis şöbəsi tərəfindən qeyd olunan inzibati xətaların aşkarlanması üzrə tədbirlər davam etdirilir.
Femida.az
Oxunub: 1237
Oxşar xəbərlər
- Ağacları kəsib,meşə gözətçisini döydülər - Cəlilabadda
- Ağacan Abiyevə `Şərəf` ordeni verildi
- Ağac kəsən şəxs 2000 manat cərimələndi
- Ağac kəsdi - 2550 manat cərimə ödədi
- Ağac kəsənin işi Prokurorluğa göndərildi
- Ağac budağı kəsən şəxs cərimələnib
- Ağac kəsməyə görə 2920 manat CƏRİMƏ
- Ağac budaqlarını qanunsuz kəsən şəxs cərimələnib
- Ağac kəsən şəxs cərimələndi
- Ağacların dibinə maddə töküb qurudan sahibkara cinayət işi açıldı