Göyçayda reyd: 140 sürücü cərimələnib
16:09 20 Noyabr 2017
Yol hərəkəti təhlükəsizliyinin təmin edilməsi, piyada, sərnişin və nəqliyyat vasitələrinin təhlükəsiz hərəkətini təmin etmək məqsədilə Göyçay rayon Polis Şöbəsinin Dövlət Yol Polisi Bölməsinin əməkdaşları tərəfindən sürücülər arasında reyd keçirilib.
APA-nın xəbərinə görə, Göyçay şəhərinin mərkəzi küçələrində, xüsusilə də piyadaların və avtomobillərin sıxlıq təşkil etdiyi ərazilərdə keçirilən reyd zamanı qayda pozuntularına yol vermiş sürücülər barəsində inzibati qaydada tədbirlər görülüb.
Keçirilən reyd zamanı sürücülük hüququ olmayan, sənədsiz avtomobil idarə edən, həmçinin tətbiq olunan cərimələri ödəməyən sürücülərə qarşı inzibati qaydada tədbir görülüb.
Göyçay rayon Polis Şöbəsinin Dövlət Yol Polisi Bölməsinin rəisi, mayor İlkin Məmmədov bildirib ki, reyd zamanı qaydaları pozan 38 sürücü barədə protokol tərtib olunub. Ötən bir həftə ərzində reydlər zamanı avtomobili sərxoş idarə edən, sürücülük hüququ olmadan sükan arxasında oturan, yol hərəkət qaydalarını kobud şəkildə pozan 140 sürücü aşkar edilərək cərimələnib.
Rayon ərazisində xidmətin nümunəvi təşkili və aparılması, hüquq qaydasına riayət olunması nəzarətdə saxlanılmaqla müvafiq tədbirlər davam etdirilir.
Qəzaların sayının minimuma endirilməsi məqsədilə belə reydlərin mütəmadi keçirilməsi planlaşdırılır.
Oxunub: 1304
Oxşar xəbərlər
- Göyçayda cinayət - Gəncin damarını doğradılar
- Göyçayda partlayış - yaralılar var
- Göyçayda 17 yaşlı oğlanı maşın vurub
- Göyçayda regional müşavirə keçirildi
- Göyçayda avtobus yandı, 30 sərnişin təxliyyə edilib
- Göyçayda 3 otaqlı ev yanıb
- Göyçayda intihar - 42 yaşlı kişi özünü asıb
- Göyçayda iki avtobus yanıb
- Göyçayda qəbiristanlıq yanıb
- Göyçayda zəncirvari yol qəzası baş verib